Hadisə

Abid Şərifovun şirkətinin borcu 6,7 milyona çatdı

3 Fevral 2026 10:18
Baxış: 1 076
VTB-də minimal faiz dərəcəsi ilə nağd kredit 9.9%-dən
#HADİSƏ #VERGİ #ŞİRKƏT

"Avro-Asiya İnşaat Kooperasiyası "Evrascon" Açıq Səhmdar Cəmiyyətinin (ASC) vergi borcu daha da artıb. 

Milli.Az xəbər verir ki, şirkətin vergi borcu hazırda 6 718 407,21 manat təşkil edir. 

Təxminən 1 ay əvvəl borcun məbləği 3 646 883,55 manat idi.

"Avro-Asiya İnşaat Korporasiyası "Evrascon" ASC 15 avqust 2008-ci ildə qeydiyyata alınıb. Nizamnamə kapitalı 377 290 manatdır. Şirkətin qanuni təmsilçisi Həmzər İsmiyev İsmayıl-Əfəndiyeviçdir. Lakin o, ASC-nin sahibi deyil.

"Evrascon" ASC-nin sahibi kimi daha çox baş nazirin keçmiş müavini Abid Şərifov tanınır. Bu barədə mediada kifayət qədər məlumat yer alıb. Abid Şərifov isə özü mediaya açıqlamasında şirkətin qardaşına məxsus olduğunu bildirib. Lakin onun bu açıqlaması səmimi qəbul olunmayıb. Çünki "Evrascon" ASC "Azərkörpü" ASC-nin bazasında yaradılıb. Bu ASC-nin isə Abid Şərifova bağlı olduğu sirr deyil. 

"Evrascon" ASC-nin səhmlərinin 22 920 ədədi Abid Şərifovun xanımına məxsusdur. Bu barədə mediada gedən araşdırma materiallarında qeyd edilib. 

Başqa bir fakt isə "Evrascon" ASC-nin əvvəllər yerləşdiyi hüquqi ünvanla bağlıdır. Məlumatlara görə, şirkət əvvəllər Şərifovlarla eyni ünvanda - Bakı şəhəri, Azadlıq prospekti, ev 144, mənzil 73-də qeydiyyatda olub./Qaynarinfo

Milli.Az​
 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.