Hadisə

4 nəfərin ölümünə səbəb olmuşdu - Kombi niyə partlayır?

5 Dekabr 2025 13:35

Baxış: 2 548

VTB-də minimal faiz dərəcəsi ilə nağd kredit 9.9%-dən

#HADİSƏ #YANĞIN #BƏDBƏXT HADİSƏ

Bu gün səhəri dəhşətli yanğın xəbərləri ilə açdıq. Bədbəxt hadisələrdən biri Lökbatanda, digəri isə Yevlaxda baş verib. Hər iki hadisə ciddi itkilərə səbəb olub. Lökbatandakı yanğında 4 nəfər ölüb, Yevlaxdakında isə 1 nəfər.

Hər iki hadisənin dəqiq səbəbi bilinməsə də, Qobuda baş verən yanğın hadisəsinin kombi səbəbindən başladığı ehtimal olunur.

Bəs kombi nə zaman partlaya bilər?

Kombi partlamaları adətən təzyiqin artması, qaz sızıntısı, köhnəlmiş və təmirsiz hissələr, düzgün suyun doldurulmaması və elektrik nasazlıqlarına görə baş verir. Təhlükəsizlik ventilləri işləmədikdə və sistem düzgün baxılmadıqda risk daha yüksək olur.

Həmçinin, pitiminutka kimi adlandırılan köhnə və ucuz qaz kombilərinə qarşı diqqətli olmağı tövsiyə edilir. Bu cihazlar təhlükəsizlik sistemləri ilə standartlara cavab verməyə bilər, qaz və su təzyiqi idarəsi zəifdir və elektrik nasazlıqları daha çox baş verir. Pitiminutka istifadə edərkən partlayış, yanğın və qaz sızması riski ciddi artır.

Evlərdə kombi quraşdırarkən yalnız sertifikatlı və texniki baxımdan tam təhlükəsiz cihazlardan istifadə etməyi tövsiyə olunur. Həmçinin mütəmadi texniki baxış və təhlükəsizlik ventillərinin yoxlanılması həyati önəm daşıyır.

İsmayıl
Milli.Az