Hadisə

Goranboyda ağır qəza - ölən və yaralananlar var - YENİLƏNİB

31 Avqust 2025 23:25

Baxış: 477

VTB-də yüksək depozit faizleri daha çox qazandırır

#QƏZA

31.08.2025-ci il tarixində saat 21:00 radələrində Goranboy rayonu ərazisində baş verən yol-nəqliyyat hadisəsi səbəbilə 7 nəfər (2-si qadın, 5 -i kişi cinsli ) Goranboy Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Milli.Az xəbər verir ki, bu barədə TƏBİB-in Mətbuat Xidməti məlumat yayıb.

Bildirilib ki, onlara kəllə-beyin travması, daxili qanaxma və müxtəlif nahiyələrin sınığı diaqnozları təyin olunub və zəruri ilkin tibbi xidmət göstərilib.

Vəziyyətləri ağır qiymətləndirilən şəxslərdən 6 nəfər Gəncə şəhərində fəaliyyət göstərən özəl tibb müəssisəsinə təxliyə olunub.

2004-cü il təvəllüdlü (kişi cinsli) şəxsin müalicəsi isə Təcili tibbi yardım şöbəsində davam etdirilir, vəziyyəti ağır qiymətləndirilir.

----------
21:48

Goranboyda baş vermiş qəzada xəsarət alanların sayı 7 nəfərə çatıb.

Bu barədə APA-nın yerli bürosu məlumat verib.

Hadisə zamanı xəsarət alanlardan birinin xəstəxanada öldüyü bildirilir.

----------

20:40

Goranboyda yol-nəqliyyat hadisəsi baş verib.

APA-nın yerli bürosunun məlumatına görə, hadisə Goran-Naftalan yolunun rayonun Balakürd kəndi ərazisindən keçən hissəsində qeydə alınıb.

Belə ki, hərəkətdə olan iki avtomobil toqquşub. Qəza nəticəsində 4 nəfər xəsarət alaraq xəstəxanaya yerləşdirilib.

Hadisə yerinə DYP əməkdaşları cəlb olunub.

Faktla bağlı araşdırma aparılır.