Həyat yoldaşını qətlə yetirən Bürhan 5 ay əvvəl ailə qurubmuş - təfərrüat - yenilənib

20:30

Bakıda baş vermiş dəhşətli qətl hadisəsi ilə bağlı bəzi detallar məlum olub.

Yasamal rayonu, General Məmmədşərif Həmidov küçəsindəki binanın dördüncü mərtəbəsində yaşayan Bürhan Məmmədov həyat yoldaşı Xumar Məmmədovanı amansızlıqla qətlə yetirib.

Məlumata görə, həmin gün X.Məmmədovanın iş yerindən ailəsinə zəng gəlib. Qardaşı evə gələrək cəsədi aşkar edib.

Binanın komendantı bildirib ki, onlar 5-6 ay idi evli idilər:

""Hadisə evdə olub, ailədaxili münaqişədir. Eşitdik ki, arvadını öldürüb. Normal və sakit ailə idilər. Heç bir problemləri də yox idi. Nə səbəbə baş verib bilmirik. Xanımın iş yerindən ata-anasına zəng ediblər, qardaşı da gələrək qapını qırıb görüb ki, bacısı ölmüş vəziyyətdədir. Oğlan nə siqaret çəkərdi, nə də içki içərdi, sakit insan idi. Cinayət hələ də sirr olaraq qalır".

Faktla bağlı Yasamal Rayon Prokurorluğunda araşdırma aparılır.

Qeyd edək ki, ötən gün axşam saatlarında 1987-ci il təvəllüdlü Bürhan İlham oğlu Məmmədov arvadı, 1992-ci il təvəllüdlü Xumar Ağa qızı Məmmədovanı öldürdükdən sonra axşam saatlarına qədər qaçıb gizlənib, günün sonunda yaşadığı binanın digər blokunun 14-cü mərtəbəsinə çıxaraq intihar edib.

--------
00:04

Bakıda törədilən dəhşətli cinayətin bəzi təfərrüatları məlum olub. 

Lent.az-ın əldə etdiyi məlumata görə, hadisə bu gün Yasamal rayonu, general Məmmədşərif Həmidov küçəsi, 53 ünvanında qeydə alınıb.

Orada yaşayan 1987-ci il təvəllüdlü Burhan Məmmədov səhər saatlarında yaşadığı evdə arvadı 1992-ci il təvəllüdlü Xumar Məmmədovanın başını kəsərək öldürüb. 

Burhan Məmmədov axşam saatlarınadək qaçaraq istintaqdan gizlənib. 

O, axşam saat 22 radələrində başqa bir binanın 14-cü mərtəbəsindən özünü atıb.

----------
22:56

Bakıda kişi arvadının başını kəsib.

Milli.Az oxu.az-a istinadən xəbər verir ki, hadisə axşam saatlarında, paytaxtın Yasamal rayonu ərazisində qeydə alınıb.

İlkin ehtimala görə, ər arvadının başını kəsdikdən sonra özünü 14-cü mərtəbədən atıb.

Hadisə yerinə hüquq mühafizə orqanlarının əməkdaşları cəlb olunublar.

Hər iki şəxsin meyitinin hadisə yerindən götürüldüyü bildirilir.

Milli.Az