Hadisə

"Dan ulduzu" restoranında DAVA

28 Mart 2025 20:58

Baxış: 1 511

VTB-də minimal faiz dərəcəsi ilə nağd kredit 9.9%-dən

#RESTORAN

Kürdəmir rayonu, Şıxımlı kəndində yerləşən "Dan ulduzu" restoranında keçirilən toy məclisində dava salan şəxs hakim qarşısına çıxarılıb.

Milli.Az musavat.com-a istinadən xəbər verir ki, xuliqanlıq hərəkətləri törətməkdə təqsirli bilinən 33 yaşlı Elnur hadisə zamanı sərxoş olub.

Elnur toy məclisində tanımadığı şəxsin onun 10 yaşlı uşağını itələdiyini görüb. Həmin şəxsi axtarmağa başlayıb. Tapa bilmədiyi üçün restoranda işləyən Asif adlı şəxsdən ona kamera görüntülərini göstərməsini istəyib. Asif bununla razılaşmayıb.

Qəzəblənən Elnur restoranda stulları və pəncərələrin şüşələrini yumruqla sındırıb. Onun istəyini yerinə yetirməyən Asifə isə yumruqla zərbə vurub.

Hadisə yerinə gələn polis əməkdaşları onu saxlayıblar. Zərərçəkmiş tərəf Elnuru bağışlayıb. Elnur isə əməlindən peşman olduğunu bildirib.

Məhkəmənin hökmü ilə Elnur barəsində 8 ay müddətinə azadlığın məhdudlaşdırılması cəzası təyin edilib.

Milli.Az