5 nəfərin öldüyü dəhşətli qəza buna görə olub - YENİLƏNİB - VİDEO

İlkin ehtimallara görə, Şəmkirdəki yol-nəqliyyat hadisəsinin baş verməsinə yüksək sürət səbəb olub.

Bu barədə Oxu.Az-a açıqlamasında Baş Dövlət Yol Polisi İdarəsinin inspektoru polis baş leytenantı Elvin Hacıyev deyib.

O sürət həddini aşmağa meyilli olan sürücüləri sonradan bərpası mümkün olmayan yanlış addımlar atmaqdan çəkinməyə çağırıb:

"Ötən gün saat 23:40-da Bakı-Qazax avtomobil yolunun 403-cü kilometrliyində üzü Qazax istiqamətində hərəkətdə olarkən Şəmkir rayon sakini Xətai Xosrov oğlu Əliyevin idarə etdiyi VAZ-2106 markalı, 20-BE-810 dövlət qeydiyyat nişanlı avtomobillə qarşıdan gələn həmyerlisi Zaur Rasim oğlu Cabbarovun idarə etdiyi VAZ-21214 markalı, 77-YK-188 dövlət qeydiyyat nişanlı avtomobil toqquşub.

İlkin ehtimallara görə, yüksək sürət nəticəsində baş verən qəzada hər iki sürücü, eləcə də Zaur Cabbarovun sərnişinləri - Elşən Sabir oğlu Xudaverdiyev və Babək İlyaz oğlu Hüseynov, habelə Xətai Əliyevin sərnişini Röyal Elbrus oğlu Allahverdiyev hadisə yerində həyatlarını itirib, digər sərnişin Elçin Yusif oğlu Orucov isə xəsarət alıb. Faktla bağlı cinayət işi açılıb, araşdırma aparılır.

Baş Dövlət Yol Polisi İdarəsi yüksək sürətin ağır faciələrə səbəb olduğunu bir daha xatırladır və sürət həddini aşmağa meyilli olan sürücüləri sonradan bərpası mümkün olmayan yanlış addımlar atmaqdan çəkinməyə çağırır", - deyə o qeyd edib.

--------

11:47

Xəbərə video əlavə edilib.

-------

09:42

Məlumata görə, "VAZ 2106" markalı maşının sürücüsü X.Əliyev, onun sərnişini 1997-ci il təvəllüdlü R.Allahverdiyev, "NİVA"nın sürücüsü Z.Cabbarov, sərnişini 1972-ci il təvəllüdlü E.Xudaverdiyev və daha bir nəfər 35-40 yaşlı kişi hadisə yerində ölüb.

1996-cı il təvəllülü E.Orucov xəsarət alaraq xəstəxanaya yerləşdirilib.

-------

09:29

Şəmkirdə ölümlə nəticələnən ağır yol qəzası olub.

Milli.Az bildirir ki, hadisə Bakı-Qazax magistral yolunun rayonun ərazsindən keçən hissəsində qeydə alınıb.

Hərəkətdə olan "Niva" ilə "VAZ 2106" markalı minik maşınları toqquşub.

Qəza zamanı 5 nəfər ölüb.

Milli.Az