Hadisə

Xırdalanda yaşayış binasında dəhşətli partlayış - xəsarət alanlar var - Yenilənib - VİDEO - FOTO

23 Dekabr 2024 00:31

Baxış: 1 278

#VİDEO #PARTLAYIŞ

00:31

----------

Hadisə ilə bağlı 4 nəfər (3-ü qadın cinsli, 1-i kişi cinsli) Abşeron Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya olunub.

Milli.Az xəbər verir ki, yüngül bədən xəsarətləri alan şəxslərə zəruri tibbi xidmətlər göstərilib.

Onlar ambulator müalicə üçün evə buraxılıblar.

---------------
21:23

Xırdalanda yaşayış binasında güclü partlayış olub.

Milli.Az FHN-ə istinadən xəbər verir ki, məlumatla əlaqədar dərhal əraziyə Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb olunub.

Hadisə yerində əməliyyat şəraitinin qiymətləndirilməsi zamanı onbirmərtəbəli yaşayış binasının 4-cü mərtəbəsində yanğınla müşayiət olunmayan partlayışın baş verdiyi müəyyən olunub.

Partlayış dalğasının təsirindən iki mənzilə və yaşayış binasının yaxınlığında park edilmiş 4 avtomobilə ziyan dəyib, dörd nəfər xəsarət alıb.

FHN-in qüvvələri tərəfindən xəsarət almış şəxslərin təxliyəsi, həmçinin hadisə yerində müvafiq təhlükəsizlik tədbirləri həyata keçirilib.

Hadisə ilə əlaqədar aidiyyəti qurumlar tərəfindən araşdırma aparılır.

Milli.Az