Hadisə

Müəllimin şagirdi stulla döyən müəllimin cəzası bəlli oldu - Rəsmi AÇIQLAMA - YENİLƏNİB - VİDEO

17 Dekabr 2024 18:22

0 Şərh Baxış: 1 324

#HADİSƏ #VİDEO #MƏKTƏB #ŞAGİRD #MÜƏLLİM

Sosial mediada Sumqayıt şəhəri 38 nömrəli tam orta məktəbdə müəllimin şagirdə qarşı uyğunsuz davranışı ilə bağlı görüntülər yayılıb.

Milli.Az bildirir ki, yayılan görüntülərə əsasən, Abşeron-Xızı Regional Təhsil İdarəsi tərəfindən araşdırma aparılıb. Bildiririk ki, "Təhsilverənlərin etik davranış qaydaları"nı pozduğuna görə müəllim barəsində intizam tənbehi tədbiri görülüb. Eyni zamanda məktəbin direktor səlahiyyətlərini müvəqqəti icra edən şəxsdən həvalə geri götürülüb.

İdarə tərəfindən təhsil müəssisəsində sağlam psixoloji mühitin təmin edilməsi məqsədilə valideynlər və müəllimlə maarifləndirici söhbət aparılıb.

Qeyd edirik ki, ümumi təhsil müəssisələrində təlim-tədris prosesi ilə yanaşı, şagirdlərin təhlükəsizliyi və daxili nizam-intizam qaydalarına əməl edilməsinə nəzarət əsas amil kimi daim diqqət mərkəzində saxlanılır, bu istiqamətdə zəruri maarifləndirmə işləri görülür.

--------

16:00

Sumqayıtda yerləşən təhsil müəssisəsində xoşagəlməz insident baş verib.

Milli.Az bildirir ki, bu halın 38 nömrəli orta məktəbdə qeydə alındığı iddia edilir. Bildirilir ki, 9-cu sinif şagirdi dərsdə güldüyü üçün müəllim onu stulla vurub. Həmçinin zərərçəkənin saçının yonulduğu və paltarının cırıldığı da səsləndirilən iddialar arasındadır.

Məsələ ilə bağlı Abşeron-Xızı Regional Təhsil İdarəsinə sorğu göndərilib. /Sumqayit24.az

Milli.Az