Hadisə

Gəncədə qan TÖKÜLDÜ - 17 yaşlı Həsən Novruzov niyə qətlə yetirildi? - VİDEO

22 Sentyabr 2022 00:31

Baxış: 7 459

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #VİDEO

Gəncədə qətl hadisəsi törədilib. Belə ki, atasının qonşu ilə dalaşdığını görən 17 yaşlı gənc onları ayırmaq istəyib. Lakin onun xoş niyyəti ağır bıçaq xəsarəti ilə nəticələnib. Həkimlər onun həyatını xilas etməyə çalışsalar da təəssüf ki, gənc vəfat edib.

Milli.Az Xəzər Xəbər-ə istinadən xəbər verir ki, Gəncədə bıçaqlanma hadisəsi baş verib. Hadisə şəhərin 3-cü mikrorayon ərazisində qeydə alınıb.

Hadisədən sonra 17 yaşlı Həsən Novruzov elə yaxınlıqda yerləşən Abbas Səhhət adına xəstəxanaya yerləşdirilib. Xəstə dərhal əməliyyat edilib, ona qan köçürülüb. Ancaq yarası ağır olduğundan tibbi müdaxilə nəticə verməyib.

Öldürülən gəncin atası Vidadi Novruzovun qonşu ilə davasının səbəbi bilinməsə də onun özünün münaqişəyə meyilli biri olmadığı qeyd olunur.

Gəncə şəhər prokurorluğundan verilən məlumata görə, Aparılmış araşdırmalarla zərərçəkmişin tanışı, 1984-cü il təvəllüdlü Azər Mövsümovun sentyabrın 19-u saat 23 radələrində küçədə şəxsi münasibətlər zəminində aralarında yaranmış mübahisə zamanı bıçaqla Həsən Novruzova xəsarət yetirməsi nəticəsində sonuncunun almış olduğu xəsarətdən xəstəxanada ölməsinə əsaslı şübhələr müəyyən edilib. Faktla bağlı Gəncə şəhər prokurorluğunda Cinayət Məcəlləsinin qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda maddəsi ilə cinayət işi başlanıb. Azər Mövsümov şübhəli şəxs qismində tutularaq istintaqa cəlb edilib.İş üzrə zəruri istintaq hərəkətləri davam etdirilir.

Milli.Az