Hadisə

Xalasının müəllim yanına apardığı 13 yaşlı qız itkin düşdü

27 İyul 2022 11:52
1 Şərh     Baxış: 2 681

Sumqayıtda 13 yaşlı qız ötən gün itkin düşüb.

Bu barədə sosial şəbəkələrdə məlumat yayılıb. 

Bildirilib ki, Məryəm İsmayılova dünən saat 11 radələrində yoxa çıxıb. Onun üzərində ağ və qırmızı damalı köynək, qara şalvar, ağ rəngdə krosovka olub.

Ailənin dediyinə görə, həmin vaxt xalası onu hazırlığa aparıb, daha sonra isə Məryəmdən xəbər ala bilməyiblər:

"Gecəyə kimi axtarmışıq. Polis əməkdaşları da axtarırlar. Xalası onu müəllim yanına hazırlığa apardı, "Hiper" marketin yanında yolu keçirdi. Xalasının getdiyini görən Məryəm yolunu dəyişib və müəllim yanına getməyib. Sonuncu dəfə onu "Bravo" marketin yanından Heydər Əliyev parkına keçən zaman görüblər".

Məryəmin dayısı Rəşad Mahmudov oxu.az-a açıqlamasında onun 13-cü mikrorayon ərazisində itkin düşdüyünü deyib:

"Hələ tapılmayıb. Polislər indi kamera axtarışındadırlar".

Sumqayıt Şəhər Baş Polis İdarəsinin 1-ci Polis Bölməsindən isə Oxu.Az-a bildirilib ki, dünən məlumat əldə edilən saatdan axtarışa başlasalar da, hələ ki nəticə əldə edilməyib.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics