Texnologiya

Azərbaycanın ilk rabitə peyki Bakıdan idarə olunacaq?

28 Noyabr 2011 10:58

Baxış: 1 267

VTB-də minimal faiz dərəcəsi ilə nağd kredit 10.49%-dən

#AZERBAİJAN #BNP PARİBAS

Artıq peykin inşasına başlanılıb. AzərTAc-ın məlumatına görə, "Azərkosmos" ASC-nin sədri Rəşad Nəbiyev bildirib ki, hazırda, həmçinin peykin yerüstü idarə olunması üçün əsas və ehtiyat mərkəzləri inşa olunur. Əsas mərkəz Bakı yaxınlığında - Qala qəsəbəsində, ehtiyat mərkəz isə Naxçıvanda yerləşəcək.

Layihənin ümumi dəyəri 250 milyon ABŞ dolları təşkil edir. Bu məbləğin 85 faizi xarici kreditlər, qalan 15 faizi isə dövlət büdcəsi vəsaitləri hesabına maliyyələşdirilir və artıq ABŞ "Eximbank" və Fransanın "BNP Paribas" bankları ilə müvafiq kredit müqavilələri imzalanmışdır. Növbəti, ikinci peykin 2015-ci ildə orbitə çıxarılması planlaşdırılır.

Xatırladaq ki, "Azərkosmos"un məqsədi telekommunikasiya peykinin orbitə çıxarılması, idarə edilməsi və istismarı işlərinin həyata keçirilməsindən ibarətdir. Layihə kommersiya xarakteri daşıyır. İlkin məlumata görə, layihəyə qoyulan vəsaitlərin peykin istismarına başlanılandan sonrakı 5-7 ildə qaytarılması nəzərdə tutulur.

Azərbaycan peykin imkanlarının yalnız 20 faizindən istifadə etmək niyyətindədir, qalan hissəsini isə digər ölkələrin istifadəsinə verəcəkdir. Artıq peykin imkanlarının 40 faizi Malayziyaya təqdim edilmiş, qalan hissə üzrə isə təkliflər qəbul olunur. Azərbaycan milli peyki Skandinaviya ölkələri istisna olmaqla, Avropanı tam, Qazaxıstanın böyük hissəsini, Asiyanın isə yarısını əhatə edəcək.

Peyk teleradio yayım və internetlə transmissiyaya malik olacaq.

Qeyd edək ki, "Azərkosmos" ASC-nin səhmlərinin 100 faizi dövlətə məxsusdur və hər birinin dəyəri 20 manat olan 2 milyon səhmin ümumi dəyəri 40 milyon manat təşkil edir.

Milli.Az

Milli.Az - Xəbər Portalı

Azərbaycanın ilk rabitə peyki Bakıdan idarə olunacaq?

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı marka avtomobil idarə edirsiniz?