PUL
Dünyanın ən çox istifadəçisinə malik olan Android sisteminin yeni versiyası olan "Android 9.0 P"nin təqdimatına çox az qaldı.
Mİlli.Az xəbər verir ki, indiyə qədərki ən güclü və geniş məzmuna sahib olan yeni versiyanın təqdimat tarixi internetə sızdırılıb. Məlumatda təqdimatın 20 avqustda baş verəcəyi bildirilir.
Həmçinin "Google" şirkətinin yeni versiyada bir sıra dəyişikliklər edəcəyi də təxmin edilir. Beləki şirkət istifadəçilərə daha fərqli interfeys təqdim etməyi düşünür. Bundan başqa ana ekranda "home" düyməsini sağa çəkərək açıq tətbiqlər arasında asanlıqla keçid etmək imkanı olacağı bildirilir.
"Google"ın "Android P"dəki əsas məqsədi telefonla istifadəçi arasında müəyyən vaxt aralığı qoymaqdır. Bu məqsədlə hazırlanan "Dashboard" "Android 9.0 P" versiyasında tətbiq ediləcək. "Dashboard" sizə hansı tətbiqə nə qədər vaxt sərf etdiyinizi bildirəcək, eyni zamanda müəyyən zaman limitini keçəndə xəbərdarlıq bildirişi almanız imkanını verəcək.
Afaq Rza
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
