Texnologiya

Yahoo! və Microsoft yenilik etdilər

17 Aprel 2015 15:17
0 Şərh     Baxış: 2 219
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #MİCROSOFT CORP #YAHOO INC
Microsoft Corp və Yahoo İnc şirkətləri 2009-cu ildə imzaladıqları axtarış partnyorluğuna dəyişiklik ediblər.

Milli.Az ICTnews-a istinadən bildirir ki, dəyişiklik Yahoo! şirkətinə axtarış nəticələrinin mobil telefonlarda və kompüterlərdə necə göstərilməsinə əlavə səlahiyyətlər verir.

Microsoft-un keçmiş baş direktoru olan Stiven Balmer və Yahoo! şirkətinin keçmiş rəhbəri olan Karol Bartz tərəfindən yaradılan 10 illik partnyorluq tərəflərə 5 il keçdikdən sonra dəyişiklik və ya sazişi ləğv eləməyə imkan verir. Keçən ay müqavilənin təkrar baxılması üçün şirkətlər 30 gün vaxt ayırıblar.

Daha əvvəl Microsoft Bing axtarış sistemi nəticələrin Yahoo! veb saytlarda necə göstərilməsini idarə edirdi. Microsoft indi reklamları özünün Bing Ads Platformanın köməyi ilə çatdırır. Yahoo! buna qədər Bing axtarış reklamlarının satışına cavabdeh idi. Müqaviləyə gəlirin paylaşılması daxildir. Razılaşmaya görə, Microsoft Yahoo! axtarış sistemindən çatdırılmış Bing reklamlarına görə müəyyən faiz ödəyir. Bu struktur dəyişməz qalır. Qeyd edək ki, yayılan informasiya fonunda bu səhər Yahoo! və Microsoft səhmlərinin qiymətinin azalması müşahidə olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.