Texnologiya

Azərbaycana 4G şəbəkəsi gəldi!

5 May 2015 16:06

Baxış: 2 272

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #WİRELESS

"Bakcell" şirkəti "4G LTE" xidmətini kommersiya istifadəsinə verib

Azərbaycanın ilk mobil rabitə operatoru "Bakcell" şirkəti bu gün 4-cü sürət brendini - "4G LTE" xidmətini kommersiya istifadəsinə verib.

Milli.Az xəbər verir ki, yeni xidmət sayəsində "Bakcell" abunəçiləri ən müasir LTE şəbəkəsindən faydalanaraq iri həcmli faylları bir göz qırpımında yükləyib göndərə bilərlər. İstifadəçilər musiqi axınlarını buferizasiyanı gözləmədən dinləyə, habelə şəbəkədə ləngimənin cüzi olduğu halda belə onlayn oyunlar oynaya biləcəklər.

"Bakcell" smartfon istifadəçiləri üçün "4G" xidməti göstərən ilk şirkətdir.

Artıq smarrfon istifadəçiləri ayda 10 manat ödəyərək 3 GB həcmində "4G" xidmətindən yararlana bilərlər.

Noutbuk istifadəçiləri isə 60 manat ödəyərək 45 GB tutumunda yüksəksürətli internetdən istifadə edə biləcək və bu abunəçilərə pulsuz LTE modemi də təqdim olunacaq.

Planşet istifadəçiləri isə ayda 15 manat ödəməklə 10 GB həcmində "4G" mobil internetdən faydalana bilərlər.

Qeyd edək ki, son üç ay ərzində "Bakcell"in LTE xidmətindən 150 Mbit/s -ə çatan sürətlə 4 minə yaxın abunəçi məlumat ötürə bilib.

Şirkətin texniki direktori Yigit Bektaş bildirib ki, "Bakcell" şirkəti LTE şəbəkəsini yaxın bir ildə daha da genişləndirmək niyyətindədir.
Belə ki, mobil operator 2016-cı ildə bəzi regionlarda da "4G" xidmətləri göstərəcək.

"Hazırda Bakıda Abşeronda LTE xidmətləri göstərilir. Növbəti mərhələdə biz istifadəçi tələbatına uyğun şəkildə əhatə dairəmizi regionlarda da genişləndirəcəyik", - o qeyd edib.

Milli.Az

Milli.Az - Xəbər Portalı

Azərbaycana 4G şəbəkəsi gəldi!

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?