Texnologiya

Wi-Fi dünyanı saracaq

18 Aprel 2015 21:40

0 Şərh Baxış: 2 127

VTB-də minimal faiz dərəcəsi ilə nağd kredit 9.9%-dən

#WİRELESS

Tayvanın Intelligence & Consulting Institute (MIC) tədqiqat institutunun proqnozuna görə, smartfonlara yüksək tələbat və Əşyaların interneti sektorunun inkişafı sayəsində yaxın illərdə Wi-Fi simsiz rabitə şəbəkəsini dəstəkləyən qurğuların tədarük həcmi artmaqda davam edəcək.

Ekspertlərin məlumatına görə, 2014-cü ildə dünyada ümumilikdə internetə Wi-Fi vasitəsilə qoşulmağa imkan verən 2,27 milyard müxtəlif qurğu buraxılıb. 2013-cü illə müqayisədə bu göstərici 18 faiz artıb.

Milli.Az ICTnews-a istinadən bildirir ki, 2015-ci ildə belə qurğuların tədarük həcminin daha 15,7 faiz artaraq 2,62 milyard ədədə çatacağı gözlənilir.

Lakin 2019-cu ildə proses 7,3 faizədək zəifləsə də, bununla dayanmayacaq. Ekspertlərin hesablamasına görə, cari beşillikdə (2014-2019) Wi-Fi modulları ilə təchiz edilən qurğuların dünya bazarında ortaillik artım tempi 10,6 faiz səviyyəsində olacaq. Proqnozlaşdırılan dövrün sonuna bu bazarın həcminin natural ifadədə 3,75 milyard ədədə çatacağı gözlənilir.

Bir müddət əvvəl Strategy Analytics analitik şirkəti tərəfindən aparılan tədqiqatda qeyd olunub ki, 2014-cü ildə dünyada 450 milyon ev təsərrüfatı Wi-Fi şəbəkəsinə qoşulub ki, bu da 2013-cü ilin göstəricisindən 5 faiz çoxdur. Texnologiyanın daha çox Niderlandda yayılması müşahidə olunur. Bu ölkədə ailələrin 80,4 faizi Wi-Fi-dan istifadə edir. Simsiz ev şəbəkələrinin nüfuzetmə səviyyəsinə görə liderlər üçlüyünə həmçinin Cənubi Koreya (76,4 faiz) və Norveç (76,2 faiz) daxildir.

Milli.Az

Milli.Az - Xəbər Portalı

Wi-Fi dünyanı saracaq

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?