Texnologiya

Yeni sürücüsüz avtomobil yaradılacaq

13 Yanvar 2015 20:15
0 Şərh     Baxış: 1 885
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #GENERAL MOTORS CORPORATİON
ABŞ-ın General Motors şirkəti sürücüsüz avtomobillərin yaradılması üzrə Google korporasiyası ilə əməkdaşlığa hazırdır. Hər il Şimali Amerika Beynəlxalq Avtomobil sərgisində iştirak edən General Motorsun texnologiya bölməsinin rəhbəri Con Lokner belə fikir səsləndirib.

O deyib ki, ABŞ-ın ən böyük avtomobil istehsalçısı bu məsələnin müzakirəsinə hazırdır. Gözləntilərə görə, çərşənbə günü bu forumda Googleun sürücüsüz nəqliyyat vasitələrinin yaradılması üzrə texnologiyaların inkişafı ilə məşğul olan bölməsinin rəhbəri Kris Urmson çıxış edəcək. Medianın məlumatına görə, o, Googleun avtomobil şirkətləri ilə əməkdaşlığa başlamaq planını elan edəcək. 

Milli.Az ICTnews-a istinadən bildirir ki, hər kəsə məlumdur ki, Google uzun müddətdir sürücüsüz hərəkət etməyə qadir nəqliyyat vasitələrinin istehsalı üçün lazım olan texnologiyaların inkişafı ilə məşğul olur. 2012-ci ildə internet şirkətinin nümayəndələri bildiriblər ki, yaradılmış sürücüsüz avtomobillər sınaqlar zamanı 500 min kilometrdən çox məsafə qət edib. 2014-cü ildə Google kompüter tərəfindən idarə olunan sükansız, pedalsız və əyləcsiz maşın prototipini təqdim edib.

General Motors artıq forumda öz yeni Chevrolet Bolt elektrik avtomobilini nümayiş etdirib. Şirkətin direktoru Meri Barra deyib ki, bu maşın 320 km-dən çox məsafə qət edə bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.