Texnologiya

Toshiba yeni zavod tikəcək

29 Dekabr 2014 20:26
0 Şərh     Baxış: 1 476
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SAMSUNG ELECTRONİCS CO LTD #TOSHIBA CORP
Yaponiyanın Toshiba şirkəti ölkə xaricində çip istehsalı üzrə zavod inşa etmək niyyətindədir.

Toshiba prezidenti Hisao Tanakanın jurnalistlərə bildirdiyinə görə, yeni müəssisənin inşa olunacağı yer şirkət üçün 2015-ci ilin aprelində başlayacaq növbəti maliyyə ilində müəyyənləşəcək. Şirkət rəhbərinin sözlərinə görə, Toshiba zavodun xarici dövlətlərin ərazisində inşası məsələsini müzakirə edəcək.

H.Tanaka qeyd edib ki, artıq Samsung və SK Hynix şirkətlərinin Çində zavodları fəaliyyət göstərir. Lakin o, jurnalistin zavodun Çində açılması ilə bağlı sualına Samsung-un ABŞ-da da zavodunun olması cavabını verib. Yaponiya istehsalçısının prezidenti şirkətin seçimi yerli bazarda da edə biləcəyini istisna etməyib.

Milli.Az ICTnews-a istinadən bildirir ki, 2014-cü ilin sentyabrında Toshiba Yaponiyanın Yokkaiti şəhərində fləş-yaddaş mikrosxemləri istehsalı üzrə zavod açıb. Layihəyə yatırılan investisiyaların məbləği 400 milyard yen (3,3 milyard dollar) məbləğində qiymətləndirilir. 2017-ci ildə istismara verilməsi planlaşdırılan yeni istehsal obyektinə qoyulacaq investisiyaların məbləği hələ ki naməlumdur.

H.Tanaka vurğulayıb ki, yaddaş çiplərinə tələbatın Toshiba-nın istehsal imkanlarını üstələməsinə görə şirkət onları artırmaq məcburiyyətindədir. Cari maliyyə ilinin yekunları üzrə istehsalçı yarımkeçiricilər biznesinə 200 milyard yen (1,66 milyard dollar) yatırmaq niyyətindədir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.