Texnologiya

IBM "bulud"ları çoxaldır

19 Dekabr 2014 23:47

0 Şərh Baxış: 1 425

#TEXNOLOGİYA #INTERNATİONAL BUSİNESS MACHİNES CORP IBM

Dünyanın ən böyük kompüter texnikası və proqram təminatı istehsalçısı International Business Machines (IBM) korporasiyası bütün dünyada mövcud məlumat mərkəzlərinin sayını 25% artırmağa hazırlaşır. Beləliklə, "mavi nəhəng" öz bulud biznesini möhkəmləndirmək niyyətindədir: internet xidmətlərə tələbatın artması fonunda 2014-cü il korporasiya üçün əlamətdar olub.

Milli.Az ICTnews-a istinadən bildirir ki, son 18 ayda IBM-in bulud infrastrukturlarına xidmət edən məlumat mərkəzlərinin sayı dörd dəfə artaraq 49-a çatıb. Bu mərkəzlərin bir çoxu korporativ normalara və istifadəçi məlumatlarının öz ərazisində saxlanılmasını tələb edən ölkələrin qanunlarına uyğun olmaq üçün tikilib.

2013-cü ildə IBM-in bulud biznesi korporasiyaya 4,4 milyard dollar məbləğində mədaxil qazandırıb. Cari ilin ilk doqquz ayı ərzində bu bazarda korporasiyanın gəliri 50% artıb.

"Cari il bizim üçün çox uğurlu olub. Biz 2014-cü ili bulud texnologiyasında tərəqqi adlandırmışıq" - IBM-in bulud biznesinə cavabdeh vitse-prezidenti Anxel Luis deyib.

Milli.Az

Milli.Az - Xəbər Portalı

IBM "bulud"ları çoxaldır

DİGƏR XƏBƏRLƏR

XƏBƏR LENTİ

TOP VIDEO

SORĞU

EURO-2024-ün qalibi hansı yığma komanda olacaq?