Texnologiya

Sony direktorunu dəyişdi

2 Noyabr 2014 19:03
0 Şərh     Baxış: 1 781
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SONY CORP
Yaponiyanın Sony şirkətinin baş vitse-prezidenti Hiroki Totoki mobil bölməyə rəhbərlik etməyə başlayıb. Bu barədə The Wall Street Journal nəşri məlumat verib.

O, bu vəzifədə 2012-ci ildən mobil biznesə rəhbərlik edən Kunimasa Suzukini əvəzləyib. Mobil bölmə rəhbərinin əvəzlənməsi smartfonların satışı üzrə biznesin pisləşməsi fonunda baş verib.

Milli.Az ICTnews-a istinadən bildirir ki, Hiroki Totokinin öz vəzifə səlahiyyətlərinin icrasına 2014-cü il noyabrın 16-da başlayacağı gözlənilir.

Cari ilin payızında Sony illik maliyyə göstəricilərinin dəyişməsini açıqlayıb. Belə ki, şirkət martda başa çatan 2014-2015-ci maliyyə ilinin yekunları üzrə 2,1 milyard dollar məbləğində itki ilə üzləşəcəyini proqnozlaşdırıb. Bu, smartfon istehsalı üzrə bölmənin problemləri ilə əlaqələndirilir.

Əvvəlki proqnoza görə, itkilər dəfələrlə az gözlənilib. Bundan başqa, şirkətin məlumatında deyilib ki, Sony dividendləri də ödəyə bilməyəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.