Texnologiya

Microsoft ixtisarlara başlayır

20 İyul 2014 20:56

0 Şərh Baxış: 1 643

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #MİCROSOFT CORP #NOKİA CORP

İyulun 17-də işçi heyətinin kütləvi ixtisarını elan edən ABŞ-ın Microsoft korporasiyası Finlandiyanın Oulu şəhərində yerləşən mobil telefonların hazırlanması üzrə bölmənin fəaliyyətini dayandıracaq. Müəssisənin əməkdaşları Microsoft tərəfindən Nokia şirkətinin mobil telefon bölməsi satın alınandan sonra ABŞ istehsalçısının tabeçiliyinə keçib.

Milli.Az ICTnews-a istinadən bildirir ki, yerli KİV-in məlumatına görə, Finlandiyada ümumilikdə 1,1 min nəfər ixtisar ediləcək.

Bundan sonra mobil telefonların hazırlanması Finlandiyanın digər iki şəhərində - Salo və Tamperedə həyata keçiriləcək. Bundan başqa, Espo şəhərində yerləşən baş ofisdə də ixtisarların aparılacağı gözlənilir.

Finlandiyanın maliyyə naziri Antti Rinne korporasiyadan qarşıdakı hadisələr fonunda sosial məsuliyyət normalarına riayət etməsini tələb edib. O xatırladıb ki, Nokia ilə saziş imzalanan zaman ABŞ korporasiyası Suomidə tədqiqat və işləmələri inkişaf etdirməsi ilə bağlı vəd verib. Onun sözlərinə görə, ixtisar edilən əməkdaşlar Nokia şirkətinin Bridge proqramının iştirakçıları kimi eyni imkanlara malik olmalıdırlar. Belə ki, onlar şirkəti tərk etdikdən sonra öz bizneslərinə başlamaq imkanı əldə ediblər.

ABŞ korporasiyasının nümayəndələrinin sözlərinə görə, Oulu şəhərindəki bölmənin əməkdaşları istehsal bölməsinin saxlanılacağı digər iki şəhərdə işlə təmin olunacaqlar.

Növbəti il ərzində Microsoft daha 18 min nəfərin ixtisarını planlaşdırır ki, onların da 12,5 mini Nokianın dünya üzrə fəaliyyət göstərən bölmələrinin əməkdaşıdır. İxtisarlar Finlandiya şirkətinin mobil biznesinin (Devices & Services bölməsi) Microsoft korporasiyasına 5,4 milyard avroya satılması ilə əlaqədardır.

Milli.Az

Milli.Az - Xəbər Portalı

Microsoft ixtisarlara başlayır

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?