Texnologiya

Maliyyə direktorları nəyə etibar edirlər?

22 May 2014 20:15
0 Şərh     Baxış: 1 670
VTB-də minimal faiz dərəcəsi ilə nağd kredit 9.9%-dən
#ACCENTURE PLC
Oracle, Accenture və Longitude Research şirkətləri məqsədi müasir müəssisələrin maliyyə departamentlərinin əsas fəaliyyətinin qiymətləndirilməsindən ibarət olan araşdırmanın nəticələrini təqdim ediblər. 

Milli.Az ICTnews-a istinadən bildirir ki, respondentlərin 70 faizi maliyyə direktorunun müasir texnologiyaların tətbiqinin aktiv tərəfdarı olduğunu bildirib, eyni zamanda maliyyə direktorlarının 75 faizi bulud hesablamaları, mobil texnologiyalar və sosial medianın müəssisənin maliyyə xidmətinin işinin təşkili prinsipini dəyişəcəyi fikrindədir. Bununla belə, rəhbər heyətdən olan rəyi soruşulanların yalnız 20 faizi hesab edir ki, onların maliyyə xidmətləri yuxarıda qeyd olunanları tətbiq edərək işdə istifadə edir. Rəhbər heyətdən rəyi soruşulanların 43 faizinin fikrincə, belə praktika satış şöbələrindən fərqli olaraq tətbiq edilmir. 

Sorğuda iştirak edən respondentlər bulud texnologiyalarının yeni keyfiyyətli informasiyanın formalaşmasında potensialının olduğunu fikirləşir. Rəyi soruşulanların dörddə bir hissəsindən çoxu (28 faiz) artıq bulud texnologiyalarından büdcə, planlaşdırma və proqnozlaşdırma proseslərinin dəstəklənməsi üçün istifadə edir, digər 34 faiz isə il ərzində bulud texnologiyalarına keçməyə hazırlaşır. Bundan başqa, rəyi soruşulan rəhbərlərin üçdə iki hissəsi (24 faiz) artıq bulud hesablamaları əsasında sistemləri tətbiq edib və ya bunu etməyi (45 faiz) planlaşdırır. 

Maliyyə rəhbərləri və biznes liderlərindən olan respondentlərin təxminən 30 faizinin iş proseslərinin hələ də kağız və əlyazması əməliyyatlarına əsaslanmasını etiraf etməsinə baxmayaraq əməliyyatların avtomatlaşdırılması və onların rəqəmli formaya keçirilməsi üçün aşkar tendensiya mövcuddur. Bundan əlavə, sorğu iştirakçılarının 50 faizi mobil əlavələr, 53 faizi veb-əlavələr və onlayn servislərdən istifadə etdiyini qeyd edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.