Texnologiya

Xrombuklar ucuzlaşır

9 May 2014 20:56
0 Şərh     Baxış: 1 853
VTB-də minimal faiz dərəcəsi ilə nağd kredit 9.9%-dən
#INTEL CORP
Intel şirkəti San-Fransiskoda keçirilmiş tədbirdə dünyanın ən iri istehsalçıları ilə birgə Chrome OS əməliyyat sistemi ilə işləyən 20 noutbuk modelini təqdim edib. Aparatlar cari il ərzində satışa çıxarılacaq.

Milli.Az ICTnews-a istinadən bildirir ki, xrombukların bir hissəsi 4-cü nəsil Core i3 bazasında güclü prosessor, digər hissəsi enerji səmərəli Celeron (Bay Trail-M) prosessoru ilə təchiz edilib.

Bay Trail-M prosessoru ilə təchiz edilmiş modellər bir o qədər sürətli deyillər, amma 11 saatadək avtonom işləyə bilərlər. Həmçinin, demək olar ki, səssizdirlər, çünki ventilyator yoxdur, sələflərindən 15% daha nazikdirlər və onların bir çoxu sensor ekranla təchiz edilib.

Ümumilikdə, Intel və partnyorlar tərəfindən nümayiş etdirilmiş aparatların əksəriyyətində ekranın diaqonalı 11 düymdür və təsvir ölçüsü isə elə də yüksək deyil. Beləliklə, Chrome OS istifadəçiləri əvvəlki kimi noutbukun məhsuldarlığı ilə ekranın keyfiyyəti arasında seçim etmək məcburiyyətindədirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.