Texnologiya

IBM serverlərindən imtina olunacaq?

9 Aprel 2014 20:15
0 Şərh     Baxış: 1 808
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #INTERNATİONAL BUSİNESS MACHİNES CORP IBM #LENOVO GROUP LTD #HUAWEİ TECHNOLOGİES CO., LTD.
Hazırda ABŞ-ın əksər federal idarələri, o cümlədən Müdafiə Nazirliyi aktiv şəkildə IBM şirkətinin serverlərindən istifadə edir.

Lakin IBM-in server biznesinin Çinin Lenovo şirkətinə satılması fonunda ABŞ-ın federal qurumları təhlükəsizlik baxımından Çin avadanlığından imtina edə bilər. Bu barədə Bloomberg nəşri məlumat verib.

Milli.Az ICTnews-a istinadən bildirir ki, Çinin Huawei Technologies telekommunikasiya avadanlığı istehsalçısı ilə bağlı məsələdə olduğu kimi, Pentaqon Lenovonun serverlərə backdoor (sistemə daxil olmaq üçün quraşdırılan proqram) quraşdıracağından şübhələnir.

Qeyd edək ki, Lenovo və IBM dəyəri 2,3 milyard dollar təşkil edən saziş imzaladıqlarını bəyan ediblər. ABŞ istehsalçısı 86x çiplər bazasında həllərin buraxılması üzrə server biznesini Lenovoya satır. Həmçinin saziş çərçivəsində IBM müvafiq tərtibatların bir hissəsini də Çin şirkətinə təhvil verir.

Bloombergin məlumatına görə, ABŞ məmurları Lenovo nümayəndələri ilə bir sıra görüşlər keçirərək saziş və serverlərin Çin şirkətinin nəzarətinə verilməsi ilə bağlı narahatlıqlarını bildirmək niyyətindədirlər. Qəzet qeyd edir ki, hazırda IBM-in server həllərindən Müdafiə Nazirliyi, Federal Ehtiyatlar Sistemi və digər qurumlar istifadə edir.

Ekspertlər bildirirlər ki, adətən belə görüşlər formal xarakter daşıyır, lakin bu dəfə ABŞ mətbuatı federal məmurların Lenovo ilə bağlanan sazişə olan marağına çox diqqət yetirir ki, bu da bir çox mətləblərdən xəbər verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.