Texnologiya

Qlobal bazarda yerdəyişmələr oldu

1 Aprel 2014 19:39
0 Şərh     Baxış: 1 467
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #GARTNER INC #SALESFORCE.COM INC
2013-cü ildə qlobal bazarda proqram təminatı tədarükçülərinin onluğunda birinci dəfə bulud məhsulları üzrə ixtisaslaşmış Salesforce.com şirkəti qərarlaşıb. Bundan başqa, bulud xidmətlərinə tələbatın artması nəticəsində Oracle reytinqdə ikinci olub.

Gartner analitik şirkətindən bildirilib ki, 2013-cü ildə qlobal proqram təminatı bazarının həcmi ötən illə müqayisədə 4,8 faiz artaraq 407,3 milyard dollar olub. İnkişaf etmiş iqtisadiyyata malik ölkələr artıma səbəb olub, inkişaf etməkdə olan dövlətlərdə azalma müşahidə olunub.

Milli.Az ICTnews-a istinadən bildirir ki, 2013-cü ildə qlobal bazarda proqram təminatı tədarükçülərinin onluğunda yerdəyişmələr olub. Oracle korporasiyası birinci dəfə reytinqdə ikinci yerdə qərarlaşıb.

IBM korporasiyası isə reytinqdə bir pillə geriləyərək üçüncü olub.

"Son beş ildə proqram təminatı bazarının mənzərəsi dəyişilib - Gartnerin vitse-prezidenti Coan Korreya deyib. Bulud hesablamaları səbəb kimi göstərilir. Proqram məhsullarının tədarükçüləri bulud şirkətlərini satın alaraq öz müştərilərinə müasir trendlərə uyğun gələn yeni texnologiyalar təklif edirlər. Bulud həlləri üzrə ixtisaslaşmış şirkətin onluqda yer alması buna bariz sübutdur".

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.