Texnologiya

Çin daha yaxşı qorunmaq istəyir

29 Mart 2014 22:38
0 Şərh     Baxış: 1 637
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #HUAWEİ TECHNOLOGİES CO., LTD.
ABŞ Milli Təhlükəsizlik Agentliyinin (MTA) Çin Müdafiə Nazirliyini, Huawei Technologies şirkətini izlədiyi məlum olduqdan sonra Çin Müdafiə Nazirliyindən bildirilib ki, İT resurslarının təhlükəsizlik səviyyəsinin yüksəldilməsi istiqamətində bir sıra konkret tədbirlər görüləcək.

Milli.Az ICTnews-a istinadən bildirir ki, Çin Müdafiə Nazirliyinin mətbuat katibi Qen deyib ki, cari ilin fevralında ölkədə yüksəksəviyyəli İT təhlükəsizlik komitəsi yaradılıb. "ABŞ uzun müddət Çini haker hücumları ilə bağlı ittiham edib. Artıq bu bəyanatların mənasız olduğu bəllidir. Bu hadisəni "oğrunu tutun!" qışqıran oğruya bənzətmək olar", - Qen deyib.

Çinin Huawei şirkətindən bildirilib ki, Der Spiegel jurnalında dərc edilmiş hesabatlar doğrudursa, o zaman şirkət onun şəbəkəsinə müdaxiləni ittiham edir və təhlükəsizlik məsələlərinə birgə yanaşmaya çağırır.

Almaniyanın Der Spiegel nəşri yazıb ki, MTA 2009-cu ildən Çinin ən böyük telekommunikasiya avadanlığı istehsalçısı Huawei Technologies şirkətini, həmçinin Çinin ozamankı rəhbəri Xu Dzintaonu fəal izləyib.

Qeyd edək ki, ABŞ məhz 2009-cu ildən Huawei şirkətinə fəal təzyiq göstərməyə, həmçinin Çin dövlət hakerlərinin arası kəsilməyən haker hücumları haqda məlumat verməyə başlayıb. 2011-ci ildə Vaşinqton israrla ABŞ dövlət sektoruna Huawei avadanlığından imtina etməyi tövsiyə edib, çünki adı çəkilən şirkəti Çin kəşfiyyat orqanları ilə əlaqədə şübhəli bilib. Nəticədə, Huawei şirkəti ABŞ-da yalnız smartfon satışı kanallarını saxlayaraq orada öz telekommunikasiya avadanlığını satmaqdan imtina etməli olub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.