Texnologiya

400 qiqabitlik Ethernet hazırlanıb

17 Mart 2014 23:53
0 Şərh     Baxış: 1 827
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #HUAWEİ TECHNOLOGİES CO., LTD. #XİLİNX INC
Çinin Huawei Technologies şirkəti Xilinx çip istehsalçısı ilə birgə sahə mütəxəssislərinə 400 Qbit-lik Ethernet nümunələrini nümayiş etdirib. Lakin sözügedən texnologiyanın standartlaşdırılması üçün ən azı bir neçə il vaxt lazımdır.

Milli.Az ICTnews-a istinadən bildirir ki, San-Fransiskoda keçirilmiş Optical Fiber Communications konfransı çərçivəsində Huawei və Xilinx şirkətləri operator marşrutlayıcıları üçün kart və Ethernet standart texnologiyası üzrə trafiki 400 Qbit/san-dək sürətlə ötürə bilən kartlar xəttini təqdim edib. Huaweidən bildirilib ki, bu, hələ ki texnologiyanın nümayişidir. ABŞ-da Huawei elmi tədqiqat mərkəzinin strategiya direktoru Çak Adams deyib ki, Xilinx və Huawei şirkətləri texniki cəhətdən həllin istismarına hazırdır, lakin texnologiya hələ ki sertifikatlaşdırılmayıb.

Qeyd edək ki, bəzi operatorlar artıq 400 Qbit/san sürətini dəstəkləyirlər, lakin bu halda texnologiyalar Ethernet ilə uyğun deyil. Bundan başqa, hazırda rəsmi 400G-Ethernet standartı yoxdur, onun istifadəyə verilməsi yalnız 2016-cı ildə gözlənilir. Eyni zamanda, hazırda məhz Ehternet şəbəkələrdə trafikin ötürülməsi üzrə ən populyar standartdır.

Hazırda server, fərdi kompüter və mobil qurğular şəbəkələrdə daha çox məlumat ötürürlər və həm operator, həm də məlumat mərkəzlərinin sahibləri daima məlumatların sürətli ötürülməsi texnologiyalarının axtarışındadırlar.

IEEE (Institute of Electrical and Electronics Engineers) sahə üzrə institutdan bildirilib ki, hələ ki onlar yeni texnologiyanın standartlaşdırılması üzrə işçi qrupu formalaşdırmayıblar. Lakin deyilib ki, aprelin sonunadək işçi qrup formalaşdırılacaq və institut hesab edir ki, sözügedən texnologiyanın standartlaşdırılması yalnız 2017-ci ildə olacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.