Texnologiya

Bir terabaytlıq disk göstərildi

11 Mart 2014 19:16
0 Şərh     Baxış: 1 687
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SONY CORP #COMMERZBANK AG #PANASONİC CORP
Sony və Panasonic şirkətləri Archival Disc (Arxiv diski) standartlı optik disklər təqdim edib. Məlumatların uzunmüddətli saxlanılması üçün nəzərdə tutulan disklərin tutumu bir terabayt təşkil edə bilər. Bu barədə Sony şirkətinin məlumatında deyilir.

Disklərin üç variantda - 300 giqabayt, 500 giqabayt və 1 terabayt tutumda buraxılması planlaşdırılır. İlk öncə 2015-ci ilin yayında 300 giqabaytlıq disk buraxılacaq. Toplayıcının qiyməti barədə hələ ki məlumat verilmir.

Milli.Az ICTnews-a istinadən bildirir ki, 300 giqabaytlıq disk ikitərəfli olacaq. Hər bir tərəfdə üç informasiya qatı yerləşməklə zolaqlar arasında məsafə 0,225 mikrometr təşkil edəcək. Disk Blu-ray kimi dalğa uzunluğu 405 nanometr təşkil edən lazerlə işləmək üçün nəzərdə tutulacaq.

Toplayıcıda informasiyanı yalnız bir dəfə yazmaq (write-once) mümkündür. Diskə müəyyən informasiya yazıldıqda onu yenidən yazmaq və ya əlavə məlumatlar daxil etmək qeyri-mümkün olacaq.

Optik diskin tutumu çarpaz maneələrin aradan qaldırılması texnologiyası sayəsində artırılıb. Maneələr nə qədər güclü olsa, bir o qədər onlar arasında məsafə azalır. Xatırladaq ki, CD-nin tutumu 700 meqabayt, Blu-ray diskinin 128 giqabaytadək təşkil edir.

Sony və Panasonic bəyan edib ki, yeni toplayıcı hazırlanan zaman optik disklərə məlumatları daha etibarlı şəkildə saxlamasına görə üstünlük verilib. Xüsusilə disklərdə bu üstünlük rütubət və temperatur təsirlərinə davamlılıqda özünü büruzə verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.