Texnologiya

20 min kilometrlik kabel çəkiləcək

11 Mart 2014 21:14
0 Şərh     Baxış: 1 621
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #ASİA EXCLUDİNG JAPAN #ALCATEL-LUCENT
On beş telekommunikasiya şirkəti qrupunun daxil olduğu Sea-Me-We 5 konsorsiumu NEC və Alcatel-Lucent şirkətləri ilə Avropa və Sinqapur arasında yüksəksürətli rabitə bağlantısını təmin edəcək sualtı kabelin çəkilməsinə dair bir neçə yüz milyon dollar dəyərində saziş imzalayıblar.

South East Asia-Middle East-Western Europe (Sea-Me-We) say etibarilə konsorsium üçün beşinci belə layihə olan 20 min kilometrlik kabelin çəkilməsini maliyyələşdirəcək. Yeni kabel 100 Qbit/saniyə buraxılış qabiliyyətinə malik olacaq. Alcatel-Lucent şirkəti kabel sisteminin qərb hissəsini - Avropadan Şri-Lankayadək, NEC şirkəti isə Sinqapur, Banqladeş, Myanma, Tailand və İndoneziyadan keçən hissəsini çəkəcək.

Milli.Az ICTnews-a istinadən bildirir ki, hazırda konsorsiuma Bangladesh Submarine Cable Company, China Mobile, China Telecom Global, China United Network Communications Group Company, Emirates Integrated Telecommunications, Orange, Myanmar Posts and Telecommunications, Saudi Telecom Company, SingTel, Sri Lanka Telecom, TOT, PT Telekommunikasi Indonesia International, Telecom Italia Sparkle, Telekom Malaysia Berhad və Yemen International Telecommunications (TeleYemen) şirkətləri daxildir.

Konsorsiumun bəyanatında deyilir ki, dəniz dibindən kabel sisteminin çəkilməsi mürəkkəb iş olsa da, belə sistemlər dünya miqyasında şəbəkə infrastrukturunun çatışmazlığı ilə əlaqədar bir sıra problemlərin həllinə xidmət edir, rabitənin dayanıqlığını artırır və yüzlərlə terabaytlıq məlumatların marşrutlarını yeni üsulda qurmağa imkan verir. Alcatel-Lucent nümayəndələri bildiriblər ki, kabel suyun 1500 metr dərinliyindən keçəcək, kabeli çəkən xüsusi avadanlıq isə gündə 5-35 km kabel çəkə biləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.