Texnologiya

İT şirkətləri lider oldular

8 Mart 2014 23:18
0 Şərh     Baxış: 1 830
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SAMSUNG ELECTRONİCS CO LTD #SİEMENS AG
Texnoloji şirkətlər 2013-cü ildə Avropada qeydə alınan patentlərin sayı üzrə reytinqdə lider olub. Bu barədə Avropa Patent Komissiyasının hesabatında deyilir.

Əldə edilən patentlərin sayı üzrə Avropa reytinqinin lideri 2833 patent alan Cənubi Koreyanın Samsung şirkətidir. Reytinqin liderlər üçlüyünə həmçinin Siemens (1974 patent) və Philips (1839 patent) şirkətləri daxildir. 2013-cü ilin yekunları üzrə patent sayını xeyli artıran digər texnoloji şirkətlərdən reytinqdə LG, Qualcomm və Ericsson yer alıb. Patentlərin sayına görə şirkətlər onluğunda Avropa şirkətlərinin sayı beşdir.

Milli.Az ICTnews-a istinadən bildirir ki, ötən il kompüter texnologiyaları ilə əlaqədar patentlərin sayı 2012-ci ilin göstəricisi ilə müqayisədə 5 faiz artaraq 9059 təsdiq edilmiş müraciət təşkil edib. Telekommunikasiya sahəsində həmin dövr ərzində patentlərin sayı 7 faiz azalaraq 9101 ədəd olub. 2013-cü ildə ümumilikdə Avropa Patent Komissiyası 66,7 min patent verib ki, bu da 2012-ci ilin nəticəsindən 1,6 faiz çoxdur.

2013-cü ildə ABŞ-da ən çox (6,8 min) patent alan şirkət IBM olub. Ondan sonrakı yerdə 4,68 min patentlə Samsung qərarlaşıb. Patent sayının artım tempinə görə lider payını ilin yekunları üzrə 62 faiz artıran Qualcomm şirkəti seçilib. Bundan əlavə, reytinqdə Google (11-ci yer) və Apple (13-cü yer) şirkətləri öz mövqeyini xeyli möhkəmlədib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.