Texnologiya

Yeni vəzifə yaranır

3 Fevral 2014 18:11
0 Şərh     Baxış: 1 861
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #GARTNER INC #TOP RANKİNG EXECUTİVES

Gartner analitik şirkətinin vitse-prezidenti Debra Loqanın fikrincə, cari ilin sonunadək nəhəng beynəlxalq şirkətlərin dörddə bir hissəsində məlumatlar üzrə direktor (Chief Data Officer, CDO) vəzifəsi mövcud olacaq. Məlumatlar üzrə direktor şirkət daxilində məlumatların idarə edilməsi ilə məşğul olur. Analitik şirkətin hesablamalarına əsasən, hazırda nəhəng şirkətlərdə yüzə yaxın idarəedici bu vəzifəni icra edir ki, bu da 2012-ci ildən iki dəfə çoxdur. Onların 65 faizi ABŞ, 20 faizi Böyük Britaniya şirkətlərində çalışır. Məlumatlar üzrə direktorlar arasında qadınların payı isə 25 faiz təşkil edir ki, bu da informasiya xidmətləri direktorlarını (13 faiz) təxminən iki dəfə üstələyir.

Milli.Az ICTnews-a istinadən bildirir ki, adətən məlumatlar üzrə direktor vəzifəsini ilk növbədə maliyyə və sığorta şirkətlərində çalışan şirkətlər, eləcə də dövlət müəssisələri tətbiq edir. Lakin 2013-cü ildə bu vəzifə digər sahələrdə fəaliyyət göstərən şirkətlərdə yaradılmağa başlayıb. Analitiklər bəzi reklam şirkətlərində məlumatlar üzrə direktorun təyin edilməsini qeyd edirlər.

Mütəxəssislər vurğulayırlar ki, informasiya xidməti direktorları məlumatlar üzrə direktoru özlərinə rəqib hesab etməməlidirlər. Belə ki, onlar məlumatların idarə olunması ilə məşğul olurlar ki, bu da informasiya xidməti direktoruna diqqətini əsas vəzifəsinə yönəltməyə imkan verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.