Texnologiya

Dell-də yenə ixtisarlar olacaq

13 Yanvar 2014 20:56
0 Şərh     Baxış: 1 386
VTB-də minimal faiz dərəcəsi ilə nağd kredit 9.9%-dən
#AFRİCA #DELL INC

ABŞ-ın fərdi kompüter istehsalçısı Dell dünyada müəssisələrində çalışan şirkət əməkdaşlarının sayında geniş ixtisarlar aparmağı planlaşdırır.

Belə ki, şirkət ABŞ-da yerləşən satış bölməsinin 20 faiz işçisini və Avropa, Afrika və Yaxın Şərqdə məhsulların marketinqinə və satışına məsul olan ştatın 30 faizini işdən azad etməyə hazırlaşır. Fərdi kompüter, korporativ proqram təminatı, məlumatların saxlanılması qurğularının istehsalı sahəsində çalışan əməkdaşlar işlərindən məhrum olacaq.

Milli.Az ICTnews-a istinadən bildirir ki, Dellin nə qədər iş yerini ixtisar etmək niyyətində olması hələ ki məlum deyil. Hazırda şirkət əməkdaşlarının təxmini sayı 111 300 nəfər təşkil edir.

Ötən ilin dekabrında ABŞ istehsalçısı işçilərinə pul kompensasiyası əvəzində işdən könüllü getməklə bağlı proqramı işə salıb. Dell heç vaxt ştatın azalması ilə bağlı məlumatları inkar və təkzib etməyib.

Şirkətin mətbuat katibi Devid Frink bildirib ki, Dell uzunmüddətli uğura hesablanmış hədəf üzərində işləyir və bu məqsədə nail olmaq üçün şirkət işçi qüvvəsinə təsir edəcək sərt qərarlar qəbul edə bilər.

Xatırladaq ki, ötən ilin oktyabrın sonunda Dell özəlləşdirilib. Şirkətin səhmləri Silver Lake Lake Partners investisiya tərəfdaşının dəstəyi ilə Dell təsisçisi və baş direktoru Maykl Dell tərəfindən 24,9 milyard dollara satın alınıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.