Texnologiya

Bu da yeni "xrombuk"

18 Dekabr 2013 22:13
0 Şərh     Baxış: 1 694
VTB-də minimal faiz dərəcəsi ilə nağd kredit 9.9%-dən
#INTEL CORP #LG ELECTRONİCS INC
Cənubi Koreyanın LG şirkəti Chrome OS əməliyyat sisteminin idarəetməsi ilə işləyən Chromebase monoblok kompüterini (hamısı birində kompüter növü) təqdim edib. Kompüterin displeyinin diaqonalı 21,5 düym təşkil edir, təsvir ölçüsü Full HD (1920x1080) formatlıdır.

Milli.Az ICTnews-a istinadən bildirir ki, Chromebase monobloku Intel Celeron prosessoru ilə işləyir. Şirkət nümayəndələri hələlik takt tezliyi və çip nüvələri sayı barədə məlumat verməsələr də, qurğunun gücünün veb-əlavə, oyun və qrafikaya kifayət edəcəyini qeyd edirlər. Kompüter 2 giqabaytlıq operativ yaddaş, 16 giqabayt tutumlu iSSD toplayıcı, üç USB 2.0, bir USB 3.0 və Ethernet çıxışı ilə təchiz edilib.

Ekranın yuxarı çərçivəsində HD formatlı (720r)1,3 meqapikselli kamera yerləşir. Nəzəri baxımdan HDMI interfeysi sayəsində Chromebase digər fərdi kompüter üçün ikinci monitor rolunda çıxış edə bilər, çünki Chrome OS sürətlə yüklənir, ondan həmçinin sadə məsələlərin həlli üçün kompüter qismində istifadə etmək mümkündür.

LG yeni kompüteri 2014-cü ilin yanvarında keçiriləcək Consumer Electronics Show (CES) sərgisində nümayiş etdirməyə hazırlaşır. Chrome OS sistemi istənilən fərdi kompüterə Googleun bulud saxlancında olan informasiyanı yükləməyə imkan verməsi ilə seçilir. Odur ki, şirkət Chromebasein əsas alıcıları arasında sadə istifadəçiləri deyil, məktəb, mehmanxana, mərkəz və digər müəssisələri görür. Kompüterin qiyməti barədə hələlik məlumat yoxdur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.