Texnologiya

Dell 300 milyon dollarlıq fond yaradıb

16 Dekabr 2013 22:13
0 Şərh     Baxış: 1 280
VTB-də minimal faiz dərəcəsi ilə nağd kredit 9.9%-dən
#DELL INC
Dell şirkəti məhsullar üçün əhəmiyyət kəsb edən texnologiyaların tanıdılması üçün 300 milyon dollar məbləğində vençur fond təsis edib. Fond şirkətlərə məlumatların saxlanılması, bulud hesablamaları, böyük məlumat kütləsinin idarə olunması, informasiya texnologiyaları təhlükəsizliyi sahəsinin, eləcə də yeni nəsil məlumat emalı mərkəzlərinin ilkin inkişaf mərhələsində investisiyalar yatıracaq. Bu barədə ABŞ istehsalçısının maliyyə direktoru Brayen Qleddel bildirib.

Vençur fond şirkət yaradıcısı Maykl Dell və Silver Lake Partners fondunun təşəbbüsü ilə 24,9 milyard dollara özəlləşdirildikdən bir neçə ay sonra yaradılıb.

Milli.Az ICTnews-a istinadən bildirir ki, yeni fond şirkətlərin bazarda inkişafı üçün təşəkkülündə və yardımın göstərilməsində rol oynayacaq. B.Qleddel bildirib ki, əvvəllər Dell şirkət üçün maraqlı olan və investisiya yatırmaqda davam edəcək sahələrdə alışlar həyata keçirib. Yeni fondun fəaliyyətinə Dell Ventures bölməsi nəzarət edəcək.

M.Dellin sözlərinə görə, şirkət uzunmüddətli perspektivdə korporativ avadanlıq, korporativ servis və mobil istiqamətlərə böyük diqqət yetirməkdə davam edəcək. Şirkət yaradıcısı əlavə edib ki, Dell artıq səhmdarlar qarşısında öhdəliyi olmadığından hazırda daha sərbəstdir və buna görə də öz işlərinə, eləcə də müştərilərlə dialoqa xüsusi diqqət yetirə biləcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.