Texnologiya

LG Display liderliyini qoruyur

6 Noyabr 2013 18:58
0 Şərh     Baxış: 1 196
VTB-də minimal faiz dərəcəsi ilə nağd kredit 9.9%-dən
#ZIF KRİSTAL INVEST FOND A.D. #LG DİSPLAY CO LTD
Cənubi Koreyanın LG Display şirkəti 9,1 və daha böyük düymlü maye-kristal panellər (LCD) bazarında liderliyini qoruyub. Bu barədə 2013-cü ilin üçüncü rübünə yekun vuran DisplaySearch şirkətinin analitikləri bildirib.

Analitiklərin hesablamalarına əsasən, iyul-sentyabr aylarında şirkət 45,15 milyon panel istehsal edib ki, bu da ötən rübün yekunları üzrə 173 milyon ədəd qiymətləndirilən ümumi bazar həcminin 26,1 faizini təşkil edir. Burada söhbət monitor, noutbuk və televizorlarda istifadə olunan panellərdən gedir.

Milli.Az ICTnews-a istinadən bildirir ki, LG Display bu bazarda 2009-cu ilin dördüncü rübündən liderlik edir. Rəqib Samsung Display şirkəti ikinci yerdə qərarlaşıb. Cari ilin sentyabrın sonuna olan vəziyyətə görə, bu şirkətin payı 19,4 faiz, buraxılan panellərin sayı 34,2 milyon ədəd təşkil edib.

Tayvanın Chimei Innolux və AU Optronics istehsalçıları müvafiq olaraq 3-cü və 4-cü yeri tutmaqla 17,5 və 16,9 faizlik bazar payına sahibdir.

LG Display həmçinin maye-kristal panellərin satışından əldə olunan mədaxilin məbləğinə görə liderdir. Şirkət bu biznesdən üçüncü rübdə 4,87 milyard dollar qazanc götürüb. Samsung Displayin mənfəəti 3,72 milyard dollara bərabər olub. Bu istehsalçılar ikisi birlikdə LCD panellər bazarının 46,8 faizinə nəzarət edir. Məhsul istehsalçılarının ümumu gəliri 18,37 milyard dollar təşkil edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.