Texnologiya

Tayvan Apple-dan şikayətləndi

31 Oktyabr 2013 18:58
0 Şərh     Baxış: 1 399
VTB-də minimal faiz dərəcəsi ilə nağd kredit 9.9%-dən
#APPLE INC #MAC OS
Tayvan hakimiyyəti ABŞ-ın Apple şirkətindən səhvi düzəltməyi tələb edib: iOS7 və OS X 10.9 yeni əməliyyat sistemlərində (ƏS) quraşdırılmış xəritələrdə ada dövləti Çinin ərazisi kimi göstərilib. Bu barədə Tayvan Xarici İşlər Nazirliyinə istinadən Britaniyanın The Telegraph qəzeti yazıb.

Milli.Az ICTnews-a istinadən bildirir ki, nəşrin məlumatına görə, Appleın xəritəsinin yeni versiyasında Tayvan "Tayvan əyaləti, Çin" kimi qeyd olunub. Şirkətin yeni kompüter və mobil telefonlarında "Tayvan" sözünü axtarışa verdikdə eyni nəticə alınır.

Ada dövlətin hakimiyyəti deyib ki, artıq korporasiyaya səhvi aradan qaldırmağı tələb edən rəsmi şikayət məktubu göndərilib. "Xəritələrdə göstərilmiş işarə həqiqətə uyğun deyil və Tayvanın suverenliyi üçün təhqiredicidir" - Tayvan Xarici İşlər Nazirliyinin Şimali Amerika münasibətləri departamentinin direktoru Kelli Se deyib.

1949-cu ildə öz müstəqilliyini elan etmiş Tayvan hazırda qismən tanınan dövlət statusuna malikdir. 20-dən çox ölkə ada dövləti ilə diplomatik münasibətlər qurub, lakin Tayvan hələ ki BMT-yə üzv olmayıb. Çin Xalq Respublikasının rəsmi hakimiyyəti adanı öz əyaləti hesab edir və vaxtaşırı onun ərazisinə öz iddialarını bildirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.