Texnologiya

HP 7 min nəfəri işsiz qoyacaq

26 Oktyabr 2013 21:02
0 Şərh     Baxış: 1 336
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #HEWLETT-PACKARD CO
Hewlett-Packard (HP) şirkəti Avropada daha 7 min nəfərin ixtisarını planlaşdırır. İxtisarların əsas hissəsinin şirkətin Enterprise Services bölməsində həyata keçiriləcəyi gözlənilir. HP-nin mətbuat xidməti bu informasiyanı hələ ki şərh etməyib.

Milli.Az ICTnews-a istinadən bildirir ki, 2012-ci ilin iyununda ABŞ istehsalçısı Avropada çalışan işçilərin 8 min nəfərinin ixtisarını planlaşdırmasına görə həmkarlar ittifaqları və işçi heyəti ilə məsləhətləşmələrə başlayıb. Hazırda HP nümayəndələri bildirirlər ki, əvvəlki ixtisar proqramı artıq həyata keçirilib və başa çatıb. Avropada aparılan ixtisarlar şirkətin baş direktoru Meqan Uitmanın 2014-cü maliyyə ilinin sonunadək 29 min nəfərin işdən azad edilməsi üzrə qlobal proqramın tərkib hissəsidir. Xanım M.Uitman əvvəllər bildirib ki, ixtisarların aparılması daxili xərcləri azaltmaq, tədqiqat və işləmələr üçün əlavə resurslar yaratmaq məqsədilə zəruridir. Son məlumatlara görə, hazırda HP tədqiqat və işləmələrə mədaxilin 2,8 faizini xərcləyir.

Ölkələr üzrə əməkdaşların azaldılması ilə bağlı plan hələlik tam hazır deyil və bu günlərdə müvafiq məsləhətləşmələr aparılır. Məlum olan odur ki, 7 095 nəfərin ən azı 6 mini Enterprise Services, 340 nəfəri Customer Delivery Services bölmələrinin işçi heyətidir. Bununla yanaşı, HP-nin Avropada ən çox əməkdaşının Böyük Britaniyada çalışması da qeyd olunur, lakin məhz bu ofisdə ən az ixtisarlar ediləcək. Ən çox ixtisarların Almaniya və Fransada, eləcə də Şərqi Avropa ölkələrində aparılacağı gözlənilir. Bir sıra ofislərdə əməkdaşların 20 faizədək azaldılması nəzərdə tutulur.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.