Texnologiya

IBM yeni icadı sənədləşdirir

16 Noyabr 2013 17:59

0 Şərh Baxış: 1 701

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #INTERNATİONAL BUSİNESS MACHİNES CORP IBM #ARM HOLDİNGS PLC

IBM korporasiyası Britaniyanın ARM Holdings-i ilə lisenziya sazişi imzalayıb. Sazişin şərtlərinə əsasən, İBM kommunikasiya və şəbəkə həlləri üçün proqramlarında ARM şirkətinin mikroprosessor həllərini və texniki dizaynını birinci istifadə etmək imkanını əldə edir.

Milli.Az ICTnews-a istinadən bildirir ki, IBM-in bəyanatında qeyd edilib ki, bu saziş yüksək istehsal gücünə malik olan şəbəkə və mobil front-end məhsullarının hesablama gücünü artırmağa və həmçinin bazara aşağı səviyyədə istehlak və yüksək iş sürətinə malik olan biznes üçün yeni nəsil şəbəkə həlləri çıxarmağa imkan verəcək.

IBM şirkəti ARM-in ARM Cortex-A15, ARM Cortex -A12 və ARM Cortex- A7 prosessor texnologiyalarını lisenziyalaşdırıb. Bu texnologiyalar hazırda smartfonlarda və planşetlərdə istifadə edilir. IBM korporasiyası kommunikasiya və şəbəkə aparat təminatlarının layihələndirilməsi haqda da məlumat verib.

IBM və ARM şirkətləri lisenziyalaşdırma haqda sazişləri son 13 il ərzində imzaladıqlarını, bugünkü sazişin isə əməkdaşlığı genişləndirdiyini bildiriblər. Bu günədək IBM şirkəti ARM arxitekturunu onun bəzi hissələrini Power prosessorlarında istifadə etmək üçün lisenziyalaşdırırdı. IBM-dən başqa Britaniya çipmeykerinin bir sıra digər şirkətlərlə sazişləri var, o cümlədən Samsung, Apple, AMD və digərləri ilə.

Şirkət eyni zamanda ARM məhsul xəttində aparıcı qrafik texnologiya olan ARM Mali-450 lisenziyalaşdırıb.

Milli.Az