Texnologiya

Windows 8.1-li yeni planşet

3 Oktyabr 2013 22:13

0 Şərh Baxış: 1 900

VTB-də minimal faiz dərəcəsi ilə nağd kredit 9.9%-dən

#RUSSİA #MİCROSOFT CORP #INTEL CORP #WİNDOWS 8

Dell şirkəti Intel Atom Bay Trail prosessorları və Windows 8.1 əməliyyat sistemi üzərində işləyən Venue Pro planşetləri daxil olmaqla, yeni portativ qurğular seriyasını təqdim edib.

Rusiya mətbuatının verdiyi məlumata görə, yeni portativ qurğular xəttinin relizi oktyabrın 18-də gözlənilir.

Şirkət bu gün 8 düymlük kompakt versiyası ilə yanaşı, 11 düymlük versiyanı da nümayiş edib. Lakin Dell şirkəti bununla heç də noutbuk bazarını tərk etməyi planlaşdırmır və üç yeni XPS ultrabukunu, o cümlədən 11 düymlük modeli, ayrılmış qrafika və displeyli 15,6-düymlük istifadəçinin baxışını tutan, 3200x1800 superyüksək ölçüyə malik olan modeli təqdim edib.

Daha müasir Venue 11 Pro modeli 10,8 düymlük displeyə malikdir, lakin bu displey Full HD - 1920x1080 ölçüsünü, 10 nöqtəli sensor idarəetməni təmin edir. Bundan başqa, burada xarici monitorun mini-HDMI vasitəsilə qoşulması üçün port, çıxarılan klaviaturanın və digər aksesuarların qoşulması imkanı mövcuddur.

Venue 11 Pro-nun daha bir üstünlüyü onun çıxarılan akkumulyator ilə təchiz edilməsidir, lakin akkumulyator yalnız planşetin daxilində enerji toplaya bilər, çünki Dell akkumulyatorun enerji toplaması üçün əlavə aksesuar təqdim etmir.

Venue 11 Pro bazara iki konfiqurasiyada noyabrda çıxarılacaq: birinci Atom Z3770 prosessoru, ikincisi isə ikinüvəli Pentium 3560Y prosessoru üzərində işləyəcək.

Qurğularda Wi-Fi 802.11n, Bluetooth 4.0 və NFC dəstəkləyən Dell Wireless 1537 şəbəkə altsistemi istifadə edilib. Növbəti mərhələdə LTE ilə təchiz edilmiş modellər təqdim ediləcək. Venue 11 Pro-nun minimal qiyməti 500 dollardan başlayır, ən sonuncu və müasir modellərin qiymətini Dell şirkəti bildirmir.

Milli.Az

Milli.Az - Xəbər Portalı

Windows 8.1-li yeni planşet

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?