Texnologiya

Yaponlar tərcüməçi eynək hazırladılar

2 Oktyabr 2013 12:08
0 Şərh     Baxış: 1 739
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #NTT DOCOMO INC #NİPPON TELEGRAPH & TELEPHONE CORP NTT

Qurğu hələlik 4 dili "bilir"

Yaponiyanın "NTT DoCoMo" şirkəti "CEATEC 2013" sərgisində mətni real vaxt rejimində tanıyan və tərcümə edən "ağıllı" eynək prototipini təqdim edib. Qurğu hələlik 4 dili - ingilis, yapon, Çin və Koreya dillərini "bilir".

Milli.Az-ın İCTnews saytına istinadla verdiyi məlumata görə, qurğu tanış olmayan dillərin menyusu və ya lövhələrin tərcüməsi üçün faydalı olacaq. Eynək prototipi simvolların tanınması və tərcüməsi prosesinin öhdəsindən 5 saniyəyə gəlir.

Bundan başqa, eynək, demək olar, istənilən düz səthi sensor displeyə çevirə bilir. Məsələn, eynək virtual ekran toxunuşunu adi kağıza ötürməyi bacarır. Qurğu ilə əlaqə barmağa keçirilən xüsusi üzük vasitəsilə həyata keçirilir.

Həmçinin qurğu əhatə dairəsində olan insanların üzlərini tanıyaraq informasiyanı uzaq məsafələrdə yerləşən serverlərdən yükləyir.

Bununla belə, "NTT DoCoMo" şirkəti tərəfindən nümayiş olunan eynək prototipi yalnız sərgi nümunəsidir. Qurğunun kütləvi istehsala daxil olması və qiyməti haqqında məlumat verilmir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.