Texnologiya

Dell Samsung-u ötdü

21 Sentyabr 2013 23:21
0 Şərh     Baxış: 1 538
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SAMSUNG ELECTRONİCS CO LTD #DELL INC
Dünya fərdi kompüter monitorları bazarında dəyişiklik baş verib. Belə ki, 2007-ci ildən bəri ilk dəfə olaraq Dell şirkəti tədarük həcminə görə Koreyanın Samsung şirkətini üstələyərək 2013-cü ilin ikinci rübündə 5 milyondan çox bu məhsuldan tədarük edib.

Milli.Az ICTnews-a istinadən bildirir ki, ümumilikdə bazarın həcmi 33,5 milyon ədəd qiymətləndirilib ki, bu da IDC şirkəti analitiklərinin gözlədiyi nəticədən 1,6 milyon çoxdur. Lakin ekspertlər qeyd edirlər ki, ötən rübdə monitorların tədarükü 2012-ci ilin müvafiq dövründən 6,7 faiz az olub.

Elan edilmiş iri monitor istehsalçıları reytinqində 14,9 faizlik bazar payı ilə Dell şirkəti liderlik edir. Bir il əvvəl şirkət bazarın 13,8 faizinə nəzarət edib, monitorların tədarükü isə 4,9 milyon ədədə bərabər olub.

Samsung ikinci yerdə qərarlaşıb. Ötən rübdə Cənubi Koreya istehsalçısı 4,22 milyon monitor tədarük edib ki, bu da 2012-ci ildən 24,1 faiz aşağıdır. Bunu nəzərə almaqla şirkətin bazar payı 15,5 faizdən 12,6 faizədək azalıb, lakin mədaxil göstəricisinə görə Samsung ilə rəqabət apara biləcək şirkət yoxdur. Çünki şirkət monitor satışlarından 1,1 milyard dollardan çox qazanc əldə edib. Bu isə ümumdünya satış həcminin 18,5 faizi deməkdir.

Qlobal miqyasda Hewlett-Packard (HP) şirkəti üçüncü yeri (3,99 milyon monitor, bazar payı 11,9 faiz) tutsa da, Qərbi Avropa ölkələrində və Kanadada HP tədarük həcminə görə liderdir.

Dördüncü yerdə 9,9 faizlik bazar payı ilə LG şirkəti yer alıb. Şirkət TOP-5 siyahısında ən yüksək artıma nail olaraq 3,34 milyon monitor tədarük edib, halbuki ötən il bu göstərici 2,86 milyona (+16,6 faiz) bərabər olub. Beşinci yeri təxminən 3 milyon monitor (ötən ildən 9 faiz az) tədarük edən və 9,1 faizlik bazar payına sahib çıxan Çinin Lenovo şirkəti tutub.

Vəziyyəti coğrafi baxımdan təhlil edən analitiklər bildiriblər ki, ən böyük fərdi kompüter monitorları bazarı payı 29,2 faizə bərabər olan Çin olaraq qalır. İkinci yerdə 18,4 faizlə ABŞ, üçüncü yerdə 4,3 faizlik göstərici ilə Braziliyadır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.