Texnologiya

Ericsson 3 mərkəz yaradır

13 Sentyabr 2013 18:33
0 Şərh     Baxış: 1 380
VTB-də minimal faiz dərəcəsi ilə nağd kredit 9.9%-dən
#TELEFON AB L.M.ERİCSSON #SWEDEN

Ericsson şirkəti 5 il ərzində 3 qlobal İKT mərkəzinin açılmasına 7 milyard İsveç kronu (təxminən 1,1 milyard dollar) məbləğində investisiya yatırmağı planlaşdırır. Mərkəzlərdən ikisi İsveçdə (Stokholm və Linçeypinq şəhərlərində), üçüncüsü Kanadada (Monreal şəhəri, Kvebek əyaləti) yerləşəcək.

Milli.Az ICTnews-a istinadəni bildirir ki, Ericssonn-un R&D bölməsinin yaxınlığında yerləşən yeni mərkəzlər 24 mindən çox mühəndis tədqiqatçıları bir araya gətirməklə müxtəlif ölkə mütəxəssislərinin daha səmərəli əməkdaşlığının inkişafına xidmət edəcək. Şirkətin müştəriləri uzaq məsafədən sınaq layihələrində iştirak etmək və ilkin mərhələlərdə innovasiyalı məhsullara çıxış əldə etmək imkanı əldə edəcəklər.

3 İKT mərkəzinin ümumi ərazisi 120 min kvadratmetr təşkil edəcək ki, bu da təxminən 14 futbol meydançasının ölçüsünə uyğun gəlir. Yeni mərkəzlərdə şirkətin bütün biznes istiqamətləri üzrə tədqiqat mərkəzləri yerləşəcək və onlar yeni həllərin işlənməsi sahəsində R&D fəaliyyətin təşkili üçün əsas olacaq, bulud həllərin daha fəal inkişafına zəmin yaradacaq.

Ericssonn-un qiymətləndirməsinə əsasən, mərkəzlərin konstruksiyası və yerləşməsi enerji sərfiyyatını 40 faizədək azaltmağa imkan verəcək. Karbon tullantılarının xeyli azaldılmasını şirkət davamlı inkişafın ayrılmaz hissəsi hesab edir.

İsveçdə 2 İKT mərkəzi 2013-2014-cü illərin sonunda, Şimali Amerikadakı mərkəz isə 2015-ci ilin əvvəlində istifadəyə veriləcək.

Qeyd edək ki, Ericssonnun nəhəng tədqiqat mərkəzləri İsveçdə yerləşir və orada 9 min əməkdaş çalışır. Digər böyük filiallar isə Çin, ABŞ, Kanada və Macarıstanda fəaliyyət göstərir. 2012-ci ildə şirkətin elmi-tədqiqat işlərinə xərcləri 32,8 milyard İsveç kronu (5 milyard dollardan çox) və ya satış həcminin 14 faizini təşkil edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.