Texnologiya

Facebook-da ilk belə direktor...

7 Avqust 2013 21:55
0 Şərh     Baxış: 1 945
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #FACEBOOK, INC. #MOTOROLA INC
Dünyanın nəhəng Facebook sosial şəbəkəsi tarixində ilk dəfə əvvəllər Motorola Mobility şirkətində analoji vəzifə tutan Qeri Briqqsi marketinq üzrə direktor təyin edib.

Q.Briqqs Facebook məhsullarının marketinqi üzrə vitse-prezident vəzifəsində 3 il çalışmış Erik Antonovu əvəzləyəcək. E.Antonov səlahiyyətlərini təhvil verənədək Facebookda çalışacaq və təhsil sahəsində öz layihəsini tətbiq etmək üçün sentyabrda şirkəti tərk edəcək.

Milli.Az ICTnews-a istinadən bildirir ki, maliyyə direktoru Şeril Sandberqin tabeçiliyində çalışan E.Antonovdan fərqli olaraq Q.Briqqs məhsullar üzrə vitse-prezident Kris Koks qarşısında hesabat verəcək.

Q.Briqqs Facebooka ötən ildən Google-a məxsus Motorola Mobility şirkətindən gəlib. Buna qədər o, Plastic Jungle hədiyyə sertifikatlarının istehsalı üzrə layihəyə başçılıq edib, eBay və PayPal internet mağazalarında aparıcı vəzifələr tutub, eləcə də 6 ilə yaxın PepsiCo şirkətində çalışıb. Facebookda yeni əməkdaş bütün məhsul və platformaların brendinqi və marketinqi, eləcə də tədbirlərin və kontent strategiyasının keçirilməsi ilə məşğul olacaq.

Qeyd edək ki, Facebookun aylıq aktiv istifadəçilərinin sayı 1,15 milyardı ötür, hər ay orta hesabla 819 milyon nəfər sosial şəbəkədən mobil qurğular vasitəsilə istifadə edir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.