Texnologiya

OLED dövrü başlanır

3 Avqust 2013 20:08
0 Şərh     Baxış: 1 421
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #LG DİSPLAY CO LTD
Dünya displey məhsullarının nəhəng istehsalçısı LG Display şirkəti 2014-cu ilin ikinci yarısından etibarən üzvi işıq-diodlar (organic light-emitting diode, OLED) əsasında televizorlar üçün nəzərdə tutulan panellərin kütləvi istehsalına başlayacağını bəyan edib.

"Ardıcıl sınaqlardan sonra bizim səkkizinci nəsil yeni istehsal xəttimiz gələn ilin ikinci yarısından tam gücü ilə işə düşəcək", - şirkət nümayəndəsi Li San Vuk deyib.

Milli.Az ICTnews-a istinadən bildirir ki, şirkətin yeni istehsal xəttində panellərin aylıq buraxılış həcmi eni 2,2 metr və hündürlüyü 2,5 metr təşkil edən 26 min vərəq olacaq. Sonradan bu vərəqlər diaqonal ölçüsü 50-dən başlayan displeylər üçün kəsiləcək. Müəssisəyə yatırılan investisiyaların ümumi məbləği 700 milyard vona (təxminən 623 milyon dollar) çatır, - şirkət nümayəndəsi əlavə edib.

Seqment üzrə LG Displayin həmkarı və əsas rəqibi Samsung Display şirkəti OLED panellərin kütləvi istehsalı ilə bağlı planlarını hələ ki açıqlamayıb.

iSuppli analitik şirkətinin ekspertləri OLED televizorların istehsalının illik həcmini 75 milyon ədəd səviyyəsində proqnozlaşdırırlar. Bazarın genişlənməsini yubadan əsas amillər arasında mütəxəssislər məhdud çıxış və OLED TV-nin yüksək qiymətə olmasını qeyd edirlər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.