Texnologiya

Superkompüter satışları artır

2 Aprel 2013 21:14
0 Şərh     Baxış: 1 140
VTB-də minimal faiz dərəcəsi ilə nağd kredit 10.49%-dən
#INTEL CORP #ADVANCED MİCRO DEVİCES INC
IDC analitik şirkətinin məlumatına əsasən, ötən il 500 min dollar dəyərində olan yüksək məhsuldarlıqlı superkompüterlərin satış həcmi 29% artaraq 5.6 milyard dollar olub.

Milli.Az ICTnews-a istinadən bildirir ki, Titan (Cray XK7) layihəsinin direktoru Baddi Bland satış həcminin artmasını müxtəlif arxitekturaların geniş seçimi ilə izah edir. 1990-cı ildən etibarən superkompüterlərin gücü x86 arxitekturalı çiplərin sayını çoxaltmaq sayəsində artıb. Intel və AMD korporasiyaları fərdi kompüterləri də adıçəkilən prosessorlarla təchiz edib.

Lakin hazırda bu üsuldan imtina edərək azgüclü prosessorlara üstünlük verməyə başlayıblar. x86 arxitekturalı çiplərin yüksək enerji sərfiyyatı buna səbəb kimi göstərilib. Digər şirkətlər x86-nı qrafik çiplə təchiz ediblər ki, bu da eyni anda bir neçə vəzifə yerinə yetirməklə hesablama prosesini sürətləndirə bilər.

Məsələn, Okric laboratoriyasında quraşdırılmış Titan superkompüterində mikroprosessorlar NVIDIA-nın diskret qrafik çipləri ilə uzlaşır. Bu sistem TOP500 reytinqində birinci yerdə qərarlaşıb. Titan superkompüterini yaratmış Cray şirkəti bildirib ki, ötən ilin yekununa görə xalis mənfəəti 11 dəfə artaraq 161 milyon dollar olub.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.