Texnologiya

Elektron ticarətə tələblər sərtləşir

29 Mart 2013 20:15
0 Şərh     Baxış: 1 256
VTB-də minimal faiz dərəcəsi ilə nağd kredit 9.9%-dən
#PAYPAL, INC. #EBAY INC
İndoneziya ölkədə beynəlxalq elektron ticarət və elektron ödəniş operatorlarının fəaliyyətini dayandırmaq niyyətindədir.

Milli.Az ICTnews-a istinadən bildirir ki, bu tədbirlər operatorların yerli serverlər vasitəsi ilə öz ödənişlərini həyata keçirəcəklərinə və yerli *.id domen zonasında sayt açdıqları müddətə qədər qüvvədə olacaq.

Qeyd edilən tədbir PayPal və ya eBay kimi elektron şirkətlərin fəaliyyətini xeyli çətinləşdirəcək, lakin yerli hakimiyyət orqanlarına kibermühitə təsir etmək imkanı verəcək. İndoneziyanın Kommunikasiya və İnformasiya Texnologiyaları Nazirliyi bu üsulları elektron ödəniş operatorlarının fəaliyyətinin tənzimləmə qaydaları çərçivəsində tətbiq ediləcəyini bildirib.

Bu qaydalar, fırıldaqçıların və nağd puldan istifadə etmək istəyənlərin işlərini çətinləşdirəcək. Yeni qaydalar bu il ərzində tətbiq edilməlidir və onlara uyğun olaraq İndoneziyada fəaliyyət göstərmək istəyən istənilən şirkət, yerli domen qeydiyyatdan keçməlidir ki, bu da yerli hakimiyyət orqanlarına müəssisənin internetdə fəaliyyətini nəzarətdə saxlamağa, hətta onun layihəsini dayandırmağa imkan verir.

Şirkətlər eyni zamanda öz tranzaksiya serverlərini yerli data mərkəzlərində yerləşdirməlidirlər və bu, nəinki xarici, həm də yerli şirkətlərə aiddir.

Analitiklərin qiymətləndirmələrinə əsasən, bu gün İndoneziyada e-ticarət bazarının həcmi 1,5 mlrd. dollar təşkil edir, lakin bu sektor ölkədə aktiv inkişaf edir və Veritrans & DailySocial-ın proqnozlarına əsasən, onun həcmi 2016-cı ilədək 10 mlrd. dollaradək artacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.