Texnologiya

Ən təhlükəsiz Android smartfonu satılacaq

5 Mart 2013 21:55
0 Şərh     Baxış: 1 856
VTB-də minimal faiz dərəcəsi ilə nağd kredit 9.9%-dən
#MOTOROLA INC #AT&T INC
Aparat RSA Conference 2013-də nümayiş etdirilib. ABŞ-ın dövlət qurumları və xüsusi xidmət orqanları üçün nəzərdə tutulmuş cihazın qiyməti iki min dollar təşkil edir.

Milli.Az ICTNews-a istinadən bildirir ki, Motorola şirkəti ən təhlükəsiz Android smartfonunu bir neçə həftə əvvəl təqdim etmişdi, lakin hazırda onun barəsində daha çox məlumat açıqlanıb. Şirkətin əməkdaşı Silviya Qrabaski təqdimat zamanı deyib ki, AME 2000 Atrix HD modelinə əsaslanır və onun içliyi təkmilləşdirilib.

Lakin Amerikanın AT&T operatorunun ticarət markasından məhrum edilib. AME 2000 ağıllı telefonunda iki təhlükəsizlik sistemi mövcuddur: birincisi, telefon qorunan VPN şəbəkələrə qoşula bilir, ikincisi, aparat şifrələnməsini dəstəkləyən CRYPTR micro çipi var.

Sonuncu microSD yaddaş kartına oxşayır. Hərbi təhlükəsizlik standartı və FIPS 140-2 Level 3 kriptoqrafiyasına uyğun modul RSA-jeton, açar və sertifikatları icazəsiz müdaxilədən qorumağa imkan verir. ABŞ-ın Müdafiə Nazirliyi RSA sərgisində Motorola Solution şirkətinin təqdim etdiyi qurğunun ilk sifarişçisi olmaq arzusunu ifadə edib. Yeni cihazın adi vətəndaşlar üçün əlçatan olacağı barədə məlumat yoxdur.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.