Texnologiya

Dünyanın ən güclü super-kompüteri hansılardır?

13 Noyabr 2012 19:42

0 Şərh Baxış: 5 598

VTB-də minimal faiz dərəcəsi ilə nağd kredit 10.49%-dən

#INTERNATİONAL BUSİNESS MACHİNES CORP IBM #ADVANCED MİCRO DEVİCES INC #NVIDIA CORP

Bu maşın "Advanced Micro Devices" (AMD) mikroprosessorları və "Nvidia"nın qrafik çipləri əsasında işləyir. Xatırladaq ki, əvvəlki lider "IBM" korporasiyasının istehsalı olan "Sequoia" super-kompüteri idi.

Milli.Az ICTnews-a istinadən bildirir ki, "Sequoia" super-kompüteri 2012-ci ilin iyununda təqdim edilmişdi. O, "IBM BlueGene/Q" arxitekturasına əsaslanır və 16,32 petaflop/san gücə malikdir. "Cray Titan" super-kompüterinin gücü isə 17,59 petaflop/san təşkil edir.
"Titan" sistemi əvvəllər mövcud olmuş "Jaguar" super-kompüterinin yenilənmiş versiyasıdır. "Titan" texniki cəhətdən özündə ənənəvi prosessorlarla "Nvidia"nın qrafik çiplərini birləşdirən yeni sistem tipidir. "Jaguar"la müqayisədə yeni maşın 10 dəfə daha güclüdür və 5 dəfə az enerji işlədir. "Titan" sistemi 560 640 prosessorla təchiz olunub.

Super-kompüterlərin son reytinqinə əsaslanaraq qeyd edək ki, "Titan" dünyanın iki ən güclü super-kompüterindən biridir. ABŞ-ın Energetika Nazirliyindən verilən məlumata əsasən, "Titan" sistemindən universitet mühiti, dövlət laboratoriyaları və müxtəlif kommersiya sahələrində çalışan amerikalı alimlər istifadə edə biləcəklər.

"Nvidia" şirkətinin nümayəndələri bildirib ki, super-kompüter ilk növbədə iqlim dəyişikliyi, materialşünaslıq, nüvə energetikası, bioloji yanacaq və astronomiya sahəsində tədqiqatlar aparmaq üçün istifadə ediləcək.
Dünyanın ən güclü super-kompüterlərinin ilk beşliyində, həmçinin Yaponiyanın "K Supercomputer", ABŞ-ın Energetika Nazirliyinin "IBM BlueGene Mira", Almaniyanın "Forschungszentrum Juelich Juqueen" və daha bir "IBM BlueGene" sistemi qərarlaşıb.

Milli.Az

Milli.Az - Xəbər Portalı

Dünyanın ən güclü super-kompüteri hansılardır?

DİGƏR XƏBƏRLƏR

XƏBƏR LENTİ

TOP VIDEO

SORĞU

Hansı marka avtomobil idarə edirsiniz?