Apple yeni məhsullarını təqdim etdi - FOTOSSESSİYA

Milli.Az Gizmodo-ya istinadən bildirir ki, mərasimi Apple korporasiyasının baş direktoru Tim Kuk açıb.

Kuk bəyan edib ki, yeni iOS 6 əməliyyat sistemində artıq 200 milyon smartfon, kompüter, noutbuk və planşet kompüteri çalışır: "Bu, kompüter qurğularının tarixində əməliyyat sisteminin yeni versiasına ən sürətli keçiddir".

Təqdim olunan ilk yenilik iPad və iPod-larda kitab oxumaq üçün yeni iBook 3.0 proqramı olub.
Daha sonra yeni MacBook Pro noutbuku təqdim olunub. Apple-ini vitse-prezidenti Filipp Şiler bildirib ki, ekranının diaqonalı 13,3 düym olan kompüterin qalınlığı 1,9 sm-dir.

Apple-nin tarixində ən yüngül "peşəkar" noutbukun ekranı 2560x1600 nöqtə olduğundan çağdaş Full HD ekranlı televizorlardan da keyfiiyyətlidir.

Bu noutbukda optik disk yeri yoxdur. Intel Core i5, 8 qeqabaytlıq operativ yaddaş və 128 qeqabaytlıq sərt yaddaşlı noutbuk ABŞ-da 1699 dollara satılacaq.

Ən kompakt, enerjiyə qənaətcil və sərfəli Mac mini-lərin yeni versiyası təqdim olunub. Yeni Mac mini-lər 2,2 qeqaherslik Intel prosessorlu və 2 nüvəli, habelə 2,3 qeqaherslik prosessor və 4 nüvəli versiyalardadır. Operativ yaddaş 4 qeqabayt, sərt yaddaş isə 500 qeqabaytdan 2 terabayta qədərdir.

Mac Mini-lərin baza konfiqurasiyası 600 dollara satılacaq.
Yeni iMac monoblok kompüterinin qalınlığı cəmi 5 mm təşkil edir.

Core i5 prosessorlu, 27 düym ekranlı iMac 1800 dollara satılacaq.
iPad 4 planşet kompüteri indiki iPad-larla müqayisədə 2 dəfə sürətlə işləyir və bunun səbəbi yeni A6X prosessorudur.

iPad 4-də Wi-Fi də 2 dəfə sürətlidir və 150 meqabitə qədər "buraxılış qabiliyyəti"nə malikdir.
iPad mini-nin ekranının diaqonalı 7,9 düym, keyfiyyətti isə 1024x768 nöqtədir.

Bir əllə rahat tutulan yeni, kiçik planşet kompüterin 2 nüvəli A5 prosessoru var və o, 10 saat rahat çalışır.
iPad mini-nin qalınlığı 7,2 mm, çəkisi 308 qramdır.

iPad mini ABŞ-da 330 dollara satılacaq.

Milli.Az



Fotolar: Engadget