Texnologiya

Siyasətçilərə süni intellekt qadağası QOYULDU

18 Fevral 2026 15:59
Baxış: 1 436
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #SÜNİ İNTELLEKT

Avropa Parlamenti deputatları üçün yeni təhlükəsizlik məhdudiyyətləri tətbiq olunub. Qərara əsasən, deputatlara təqdim edilən xidməti planşetlərdə süni intellekt alətlərindən istifadə artıq mümkün olmayacaq.

Milli.Az xəbər verir ki, xarici mediaya istinadən verilən məlumata görə, Parlament üzvlərinə təqdim olunan xüsusi planşetlər yalnız rəsmi məqsədlər üçün nəzərdə tutulub. Bu qurğular vasitəsilə daxili məlumat bazalarına daxil olmaq, qanun layihələri üzərində işləmək və səsvermələrdə iştirak etmək mümkündür. Şəxsi cihazların sistemə qoşulmasına isə icazə verilmir.

Bundan əvvəl deputatlara səfərlər zamanı "Faradey çantaları"ndan istifadə etmək və şübhəli Wi-Fi şəbəkələrinə qoşulmamaq tövsiyə olunurdu. Yeni qərarla isə rəqəmsal təhlükəsizlik tədbirləri daha da sərtləşdirilib və neyroşəbəkə əsaslı platformalara çıxış tamamilə bağlanıb.

Ekspertlər bildirirlər ki, Qərb ölkələrində rəsmi sənədlərin hazırlanmasında süni intellekt alətlərindən istifadə geniş yayılıb. Lakin bunun riskləri də mövcuddur. Onların sözlərinə görə, bəzi hallarda mətnlərdə süni intellektin izi açıq şəkildə hiss olunur və bu, sənədin hazırlanmasında insan faktorunun rolunu sual altına ala bilər.

Müşahidəçilər hesab edirlər ki, Avropa Parlamenti rəhbərliyinin bu addımı həm məlumat təhlükəsizliyini gücləndirmək, həm də deputatların peşəkar nüfuzunu qorumaq məqsədi daşıyır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.