Texnologiya

"WhatsApp" məhkəməyə verildi - İstifadəçiləri aldadıb

26 Yanvar 2026 17:34
Baxış: 1 642
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #WHATSAPP #SOSİAL ŞƏBƏKƏLƏR

Beynəlxalq iddiaçılar qrupu ABŞ-nin "Meta Platforms" şirkətini məhkəməyə verib. "Meta"nı 2014-cü ildən şirkətə məxsus "WhatsApp" mesencerinin məxfilik və təhlükəsizlik məsələləri ilə bağlı istifadəçiləri aldatmaqda ittiham edirlər.

Milli.Az xəbər verir ki,məlumata görə, 2016-cı ildə "WhatsApp"da tətbiq edilən ikitərəfli şifrələmə mesajların yalnız yazışan tərəflər üçün əlçatan olduğunu nəzərdə tutur və şirkətin bu mesajları oxuya bilmədiyi bildirilir.

Lakin San-Fransisko dairə məhkəməsinə təqdim olunan iddia ərizəsində qeyd olunur ki, "Meta" və "WhatsApp" dünya üzrə istifadəçiləri çaşdıraraq guya "şəxsi" olan mesajların böyük hissəsini saxlayır, təhlil edir və onlara çıxış əldə edir.

İddiaçılar Avstraliya, Braziliya, Hindistan, Meksika və Cənubi Afrika Respublikasından olan şəxslərdir. Onlar "Meta" əməkdaşlarının istifadəçilərin mesaj məzmununa çıxışının olduğunu iddia edir. Ərizədə həmçinin bu məlumatların üzə çıxmasında "məlumat verən şəxslərin" rol oynadığı bildirilir, lakin onların kimliyi açıqlanmır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.